संघीय परिषद वैठक : महाधिवेशनको तयरी

नेपाल आदिवासी जनजाति महासंघको संघीय परिषद वैठक आजबाट शुरु भएको छ । आदिवासी जनजातिहरुको प्रतिनिधिमूलक संस्थाको छाता संगठनको रुपमा रहेको महासंघलाई राष्ट्रिय अन्तराष्ट्रिय मुलुकले राज्यको अर्को शक्तिशाली शक्तिको रुपमा स्वीकार गर्दछ । यसैले संविधानसभामा पार्टीकै सिफारीसमा भए पनि दुवै पटक सभासदमा मनोनयन गरेको थियो । अहिले राष्ट्रिय महाधिवेशन हुन गइरहेको छ । यसैको लागि ५६ आदिवासी जनजातिको प्रतिनिधिमूलक संस्थाका प्रतिनिधि संघीय परिषद सदस्यहरुको वैठक जावलाखेल, ललितपुरमा बसीरहेको छ । भोलीसम्म चल्ने यो बैठकले भावी नीति कार्यक्रम र बजेट तथा अहिलेसम्मको आर्थिक प्रतिवेदन पारित गर्ने छ ।
जब जब महासंघको महाधिवेशन नजिकिन्छ अनि राजनीतिक चलखेल शुरु हुन्छ । अहिले पनि एमाले एकातिर र माओवादी तथा काङ्ग्रेस एकातिर भावी नेतृत्वको लबिङ भइरहेको छ । संस्थापक आठ आदिवासी जनजातिमा सबैले महासंघको नेतृत्व लिइसकेका छन् । अहिलेदेखि राजनीतिक लबिङ शुरु भएको हुँदा नेतृत्वमा आदिवासी जनजातिको नेतृत्व गर्ने भन्दा पनि राजनीतिक एजेण्ड बोकेर महासंघमा छिर्ने प्रवृति पछिल्लो समयमा भएको हुँदा यस्तो प्रवृतिलाई निस्तेज पार्नुपर्ने परिषद सदस्यहरुको भनाईरहेको छ ।