आदिवासी थारु महिलाहरुले राष्ट्रिय पर्व जितिया हर्षोल्लासका साथ काठमाडौ उपत्यकामा पनि मनाउने तयारी गरेका छन् । पूर्वी तराईका जिल्लाहरुमा बसोबास गर्ने थारुहरुले हरेक वर्ष मनाइने यो पर्ब काठमाडौ उपत्यकामा पनि मनाउने तयारी गरिएको हो ।
थारु महिला सभा उपत्यका कार्यसमितिको आयोजनामा भृकुटीमण्डपस्थित पर्यटन बोर्डमा संस्कृतिक महोत्सव सहित शुभकामना कार्यक्रमको आयोजना गर्ने यसैसाता एक पत्रकार सम्मेलनको आयोजना गरि आयोजकले जानकारी दिईएको छ ।
थारु महिला सभा उपत्यका कायसमितिका अध्यक्ष ललिता कुमारी चौधरीले पत्रकार सम्मेलनमा थारु जितिया पर्वलाई अन्तराष्ट्रियस्तरमा चिनाउने गरी काठमाडौमा महोत् सवका रुपमा मनाउने बताउनु भयो ।
जितिया पर्व विशेषगरि पूर्वी तराईका झापा, सिराहा, सप्तरी लगायत पश्चिमको नवलपरासिसम्म मनाउने गरिन्छ । थारु महिलाहरुले जितिया पर्वमा आफ्नो छोराछोरी र पतिको सुस्वास्थ्य र उन्नतीको लागि व्रत बस्ने चलन छ ।
पत्रकार सम्मेलनमा बताइए अनुसार आगामी असोज २० गते नेपाल पर्यटन बोर्डको सभा हल भृकुटीमण्डपमा संघ संस्थाका प्रतिनिधि तथा व्यक्तिहरू महिला, पुरुष, कालाकारहरु समेतको नाचगान कला प्रदर्शनीकासाथ सो पर्ब मनाइने छ ।
