आगामी माघ ११ गते हुन गईरहेको रिक्त राष्ट्रिय सभा सदस्यको निवार्चनमा आदिवासी जनजातिको समानुपातिक प्रतिनिधित्व सुनिश्चित गरेर मात्र निर्वाचन प्रकृया थाल्न संवैधानिक निकाय आदिवासी जनजाति आयोगले निवार्चन आयोग र सबै राजनीतिक दलको ध्यानाकर्षण गरेको छ ।
शुक्रबार आयोग परिषरमा एक पत्रकार सम्मेलनको आयोजना गर्दै आयोगले नेपालको संविधानमा व्यवस्था भएको समानुपातिक समावेशी र सहभागिता मुलक पद्धती विद्यमान निर्वाचन प्रकृयामा सामेल नभएकोले सो ध्यानाकर्षण गराएको जानकारी दिईएको छ ।
पत्रकार सम्मेलनमा आयोगका अध्यक्ष राम बहादुर थापा मगरले पत्रकारहरुको जिज्ञासाको जवाफ दिँदै यसअघिनै आयोगको वार्षिक प्रतिवेदनहरुमा यस्तो सिफारिस गरेर पठाएको भएतापनि हालसम्म कार्यन्वयन नभएको बताउनुभयो ।
राष्ट्रिय सभाको रिक्त १९ सदस्य पदमा माघ ११ गते निर्वाचन प्रयोजनका लागि पुष २३ मा उम्मेद्वारी दर्ता गर्ने कार्यतालिका रहेको छ ।
