नेपाल तामाङ घेदुङले तामाङ तागी (टोपी) नलगाउने व्यक्तिलाई सार्वजनिक कार्यक्रमको अतिथि अस्वीकार गर्ने निर्णय गरेको छ । नुवाकोट जिल्लाको सदरमुकाम बट्टारमा घेदुङको संघीइय कार्य समितिको बैठकले सो निर्ण गरेको शुक्रबार राजधानीमा आयोजित पत्रकार सम्मेलनमा जानकारी गराइएको छ ।
पत्रकार सम्मेलनमा जानकारी गराइए अनुसार बैठकले घेदुङको महासचिवमा जगतमान लामा दोङलाई मनोनयन गरेको छ । घेदुङको महाधिबेशनबाट निर्वाचित महासचिव काजीमान थिङ भगवती पाण्डे प्रकरणमा विवादमा मुछिए पछि पदबाट राजिनामा दिएको हुँदा सो पद रिक्त यिो । सोही रित्त पदमा बैठकले दोङलाई घेदुङको विधानको दफा ३५ बमोजिम मनोनयन गरेको हो ।
बट्टार बैठकले उपमहासचिवमा सरोजमोहन लामा र सचिवमा निर्मल बहादुुर लामालाई मनाृनयन गरेको छ । यसै गरी मित्रसेन योन्जनलाई विभागीय प्रमूखमा र रामभक्त बोम्जनलाई सचिवालय सदस्य तोकेको छ ।
मनोनयन हुनु भएका महासचिव दोङ लगायत पाँचै जनालाई शुक्रबार नै घेदुङ अध्यक्ष मोहन गोलेले पदको सपथग्रण गराउनु भएको छ । उहाँहरुको कार्यजिम्मेवारी पनि सोही दिन तोकिएको जानकारी दिइएको थियो ।
पत्रकार सम्मेलनमा जनकारी दिइए अनुसार नेपाल तामाङ घेदुङको ६ वटा भातृसंगठन र प्रदेश समितिको अधिबेशन २०८० चैत्र भित्र गर्ने निर्णय गरेको छ । भातृसंगठनहरुको पदावधि यही पौष मसान्तमा समाप्त हुँदै छ ।
पार्टी प्यालेसमा कार्यक्रम नगरिने
घेदुङले आगमाी सोनाम ल्होछार कार्यक्रममा तागी (टोपी) नलगाउने व्यक्तिलाई अतिथि नवोलाउने नयाँ निर्णय गरेको छ । ल्होछार कार्यक्रममा तामाङ संस्कृति मात्रै प्रस्तुति गर्ने र सबै कार्यक्रमलाई तामाङमय बनाउने भनेको छ ।
घेदुङका महासचिव दोङद्वारा जारी गरिएको प्रेस विज्ञप्तीमा लहोछार कार्यक्रम पार्टी प्यालेसमा नगर्ने पनि उल्ल्ेख छ । आफनै तामाङ गाउँ र टोललाई जोड्ने उद्देश्यले तामाङ खानपीन, तामाङ भेषभूषा, र तामाङसंस्कृति प्रबद्र्धन हुने गरी कार्यक्रम गर्ने पनि बैठकको निर्णय गरिएको छ ।
ल्होछार समारोहहरुमा तामाङ मौलिक पहिचान झल्कने वस्तुहरुको प्रदर्शनी, र तामाङ लोक संस्कृति प्रबद्र्धन हुने खालको गीत, संगीत मात्र प्रस्तुत गरिने छ ।पछिल्लो समयमा तामाङसंस्कृति र तामाङ उत्पादन पद्धतिबाट समुदाय टाडिदै गएको र बाह्य संस्कृति र बहुराष्ट्रिय कम्पनीको व्यापार बढ्दै गएको पक्षलाई मध्यनजर गरेर यसलाई न्युनिकरण गर्न यी निर्णय भएको पनि बक्तव्यमा प्रष्ट पारिएको छ ।
‘संस्कृतिक कार्यक्रमहरुमा तामाङ गीत गाउने तामाङ कलाकारलाई प्राथामिकताका साथ बोलाउने, सकेसम्म घेदुङ र तामाङ नेतालाई स्थापित गर्न तथा तामाङ जागरण सम्बन्धि सन्देश दिने वक्ता र अतिथि चयनमा विशेष ध्यान दिइने छ ।’ घेदुङद्वारा जारी प्रेस बक्तव्यमा उल्लेख छ ।
बैठकले तामाङ भाषा, लिपी अभियान, ताम्सालिङ आन्दोलन र समसामयिक राजनीतिक सन्दर्भमा पनि निर्णय लिइएको पत्रकार सम्मेलनमा घेदुङ अध्यक्ष मोहन गोलेले बताउनु भयो ।
घेदुङको बैठक मंसिर ९ र १० गते नुवाकोटको बट्टारमा बसेको थियो ।
