नेपाल ललितकला प्रज्ञा प्रतिष्ठानले बार्षिक कार्यतालिका सार्वजनिक गर्दै राष्ट्रिय ललितकला प्रदर्शनी २०८० आयोजना गर्ने भएको छ । आईताबार पत्रकार सम्मेलनको आयोजना गरि राष्ट्रिय ललितकला प्रदर्शनी २०८० आयोजना गर्ने भएको हो ।
कार्यतालिका अनुसार जेठ १५ गतेदेखि ३० गते सम्म हुने प्रदर्शनीमा प्रतिष्ठानसंगै नेपाल कला परिषद्ले ६१० कलाकारका ६९७ कलाकृति प्रदर्शनमा राख्ने र ललितकलाका विभिन्न विधाबाट कला क्षेत्रको व्यक्तित्वहरुलाई पुरस्कार सहित सम्मान गर्ने आयोजकले पत्रकार सम्मेलनमा जानकारी दिनुभयो ।
यसैगरि अरनिको राष्ट्रिय ललितकला सम्मान यसवर्ष मदन चित्रकार र मानबहादुर दोङलाई प्रदान गर्ने भएको छ । नगद राशी १ लाख सहित ताम्रपत्र प्रदान गर्ने भएको छ । राष्ट्रिय ललितकला लेखन पुरस्कार तथा राष्ट्रिय ललितकला पत्रकारिता पुरस्कार नगेन्द्रप्रसाद पौड्याल र नारायण प्रसाद ढुंगानालाइै प्रदान गर्ने भएको छ । नगद रु २५ हजार सहित ताम्रपत्र प्रदान गर्ने भएको हो ।
यसैगरि ललितकला प्रादेशिक पुरस्कार कोशी प्रदेशबाट सुमन राई, मधेश प्रदेशबाट श्वेता साह, बागमती प्रदेशबाट वाङ्छु मोक्तान(आरके), गण्डकीबाट विश्वम्भर बस्नेत, लुम्बिनीबाट रम्बा चौधरी, कर्णालीबाट सोनाम लामा र सुदूरपश्चिम प्रदेशबाट चक्रबहादुर थापालाई प्रदान गर्ने भएको छ । उहाँहरुलाई नगद २५ हजार सहित ताम्रपत्र प्रदान गर्ने भएको हो ।
सामामयिक चित्रकला विधामा यसवर्षको राष्ट्रिय ललितकला पुरस्कार उद्धवराज रिमाललाई नगद राशी ६० हजार सहित ताम्रपत्र प्रदान गर्ने र यसै विधामा ललितकला विशेष पुरस्कार रिता मानन्धर, टीशा श्रेष्ठ र रोशन प्रधानलाई नगद २५ हजार सहित ताम्रपत्र दिने भएको छ ।
यसैगरि विभिन्न विधामा पुरस्कार दिने क्रममा परम्परागत चित्रकला विधामा राज प्रकाशमान तुलाधारलाई नगद ६० हजार र ताम्रकार प्रदान गर्ने र यसै विधामा ललितकला विशेष पुरस्कार रविन्द्र महर्जन र तारामान भोमजनलाई रु २५ हजार सहित ताम्रपत्र दिने भएको छ ।
यसैगरि वास्तुकला तथा अन्य सिर्जनात्मक कला विधामा विनय रिमाललाई नगद ६० हजार सहित ताम्रपत्र र यसै विधामा विशेष पुरस्कार क्यारिकेचरबाट सुश्रिना शाक्य, भावभङ्गी कलाबाट सुशान्तश्री राजभण्डारी, कार्टुनबाट राजेश मानन्धर र फोटोग्राफीबाट सफल प्रकाश श्रेष्ठलाई रु २५ हजार र ताम्रपत्र वितरण गर्ने जनाएको छ ।
प्रतिष्ठानको अर्को विधा हस्तकला पुरस्कार ज्ञानीराज बज्राचार्यलाई नगद राशि ६० हजार सहित ताम्रपत्र र यसै विधाको ललितकला विशेष पुरस्कारमा शेखमान महर्जन र सुमित्र भुजेललाई रु २५ हजार सहित ताम्रपत्र प्रदान गर्ने भएको छ ।
लोककला विधा पुरस्कार नम्रता सिंहलाई ६० हजार र ताम्रपत्र र यसै विधाको विशेष पुरस्कार राजु चित्रकार र ज्योति कुमारी सापकोटा कर्णलाई २५ हजार र ताम्रपत्र दिने भएको हो ।
यसैगरि अर्को परम्परागत मूर्तिकला विधाबाट जेरोम महर्जनलाई नगद ६० हजार सहित ताम्रपत्र पुरस्कृत गर्ने भएको छ । यसै विधाको विशेष पुरस्कार विष्णुप्रसाद लिवी र अनिल शाक्यलाई नगद २५ हजार सहित ताम्रपत्र दिने भएको हो ।
ललितकलाको अर्को विधा समसामयिक मूर्तिकला पुरस्कार रिसिता खत्रीलाई नगद ६० हजार र ताम्रपत्र यसै विधाको विशेष पुरस्कार टिकाराम पौडेल (शशि किरण) र मिना कायस्थालाई २५ हजार सहित ताम्रपत्र प्रदान गर्ने राष्ट्रिय ललितकला प्रदर्शनी २०८० कार्यकारी संयोजक लालकाजी लामाले जानकारी दिनुभयो ।
