ट्रेकिङ गाईड एसोसिएसन अफ नेपाल (टिगान) को चौँथो अधिवेशनबाट वाङ्छु शेर्पाको अध्यक्षमा नयाँ कार्यसमिति निर्वाचित हुनुभएको छ । अधिवेशनबाट प्रथम उपाध्यक्षमा सोनाम याङ्जी शेर्पा, द्धितिय उपाध्यक्षमा आङ दोर्जी लामा शेर्पा, महासचिवमा आङ पेम्बा शेर्पा, सचिवमा मिङमा डोमा शेर्पा, कोषाध्यक्षमा नुर्बु छिरिङ लामा र सह कोषाध्यक्षमा तिलक थापा मगर सर्वसमत चयन हुनुभएको छ ।
टिगानको सदस्यहरुमा ङिमा वाङ्छु शेर्पा, दावा जाङ्बु शेर्पा, प्रिति राई, ङवाङ डोमा शेर्पा, रुजन न्यौपाने, वाङछु शेर्पा र सविन कुमार लामा निर्वाचित हुनुभएको छ ।
टिगानकै केन्द्रीय कार्यलयमा आयोजित (टिगान)को चौँथो आधिवेशनको उद्घाटन संविधान सभा सदस्य कृपासुर शेर्पाले गर्नुभएको थियो । उहाँले कार्यक्रम सफलताको शुभकामाना दिनुहुँदै, टिगानमा आवद्ध भएपछि निस्वार्थ भावनाले एकअर्काबिच मिलेर काम गर्नुपर्ने बताउनुभयो । नेपालको दोस्रो आर्थिक आर्जनको माध्यम भनेको पर्यटन व्यवसाय भएकोले नेपालका पर्यटन व्यवसायमा महत्वपुर्ण योगदान गाईडहरुको रहेको पनि बताउनुभयो ।
टिगानका कार्यवाहाक अध्यक्ष जाङ्वु शेर्पाको अध्यक्षतामा भएको कार्यक्रममा नेपाल पर्यटन बोर्डका कार्यकारी निर्देशक हिक्मत एयर, टानका पुर्वमहासचिव आङ पेम्बा शेर्पा, नेपाल शेर्पा संघका महासचिव ल्हाक्पा शेर्पा लगायतको उपस्थिति रहेको थियो ।
