इण्डिजिनियस टेलिभिजनका अध्यक्ष देब कुमार सुनुवार आदिवासीहरूको लागि संयुक्त राष्ट्रसंघको स्वेच्छिक कोष संचालका समितिका अध्यक्षमा चुनिनु भएको छ ।
कोष संचालनका लागि सुनुवारलाई एसिया र प्रशान्त क्षेत्रका आदिवासी जनजातिहरूको प्रतिनिधिको रुपमा संयुक्त राष्ट्रसंघका महासचिव एन्टोनियो गुटेरेसले दुईवर्ष अघि नियुक्तगर्नु भएको थियो, र कोष संचालनका लागि सुनुवारले महासचिवलाई एसिया र प्रशान्त क्षेत्रका आदिवासीहरूको तर्फबाट सल्लाहदिदै आउँनु भएको छ ।
सुनुवारसँगै कन्गोका डियल मोचिरे, क्यानाडाका मार्जोलेन एटिने, ग्रिनलैन्ड, डेनमार्कका टुकुमिङग्वाक न्याक्जेर ओल्सेन र बेलिजकापाब्लो मिस कोष संचलक समितिका सदस्य छन् ।
आदिवासीहरूको लागि संयुक्त राष्ट्रसंघको स्वेच्छिक कोष सन् १९८५ मा संयुक्त राष्ट्रसंघको महासभाद्वारा स्थापित कोष हो । विश्वका पाँच भौगोलिक क्षेत्रबाट नियुक्त ५ सदस्यहरूको सल्लाहमा, संयुक्त राष्ट्रसंघको महासचिवले संयुक्त राष्ट्रसंघको वित्तियनीति र नियमअनुसार संचालन गर्नुहुन्छ ।
सुनुवारले अन्तर्राष्ट्रिय कानून र मानव अधिकार राजनीतिशास्त्रस आमसंचार तथा पत्रकारितामा स्नातकोत्तर गरेका छन् । संयुक्त राज्य अमेरिकास्थित अन्तर्राष्ट्रिय गैरसरकारी संस्था कल्चरल सर्भाइभलका एसिया कार्यक्रम संयोजक समेत रहेका सुनुवार हाल काठमाडौं स्कुलअफलमा अन्तर्राष्ट्रिय कानून अध्यापन गर्नुहुन्छ ।
यो कोष संसारभरका आदिवासी जनजातिहरूको मानव अधिकार प्रर्वद्धन गर्न संयुक्त राष्ट्रसंघले आयोजना गर्ने विभिन्न सभा र सम्मेलन, मानव अधिकार सम्बन्धी समिति र उपसमितिका बैठकहरूमा आदिवासीहरूको प्रतिनिधित्व र सहभागिताका लागि सहयोग पु¥याउने उद्देश्यले स्थापितभएको हो ।
