फागुन ३०, काठमण्डौं जातिय ऐतिहासिकताको आधारमा राज्यपुनरसंरचना हुनुपर्ने, समानुपातिक समावेसी ब्यवस्था हुनुपर्ने लगायतका मुद्धाहरु नयाँ संविधानमा सुनिश्चित हुनुपर्ने भन्दै दबाब स्वरुप आदिवासी जनजातिहरुले पुर्वपश्चिम पहिचान यात्रा गरिरहेको छ ।
आदिवासी अगुवाहरु र पहिचानवादी दलका नेताहरुसहति बुधबारदेखि यात्रा थालेका उनिहरुले आज पनि विभिन्न स्थानमा सभा गर्दै यात्रा जारी राख्ने बताएका छन् । नेता आङकाजि शेर्पाका अनुसार आज पश्चिम धनगढीबाट आएको टोली बुटवलमा सभा गर्दै नवलपरासी प्रवेस गर्नेछ ।
त्यो टालीले भोलि कावासोतीमा कार्यक्रम गर्दै चितवनमा आएर यात्रा समापन गर्ने शेर्पाले बताउनु भयो । यस्तै पुर्वबाट यात्रा गरिरहेको टोली आज सप्तकोसी तर्दै सिराहाको ल्हानानमा र सर्लाहीको लालबन्दिमा सभा गर्ने बताइएको छ । त्यो टोली भोलि बाराको निजगढ र मकवानपुरमा पहिचानसभा गरी काठमण्डौं फर्कने आदिवसाी जनजाति आन्दोलन नेपालले जनाएको छ ।
