२०७९ बैशाख ३० गते सम्पन्न स्थानियतहको निर्वाचनबाट लोपोन्मूख तथा अतिसिमान्तकृत समुदायको समेत प्रतिनिधित्व भएको छ । स्थानीय तहको उपप्रमुख देखि वडा सदस्यसम्म समेटन सफल भएको छ ।
स्थानिय तहको निर्वाचनमा अतिसिमान्तकृत समुदायबाट पहिलो पटक गाउँपालिकाको उपाध्यक्षमा सन्थाल जातिको प्रतिनिधि छानिनु भएको छ । मोरङको जहदा गाउँपालिकाको उपाध्यक्षमा सन्थाल जातिकी हन्ना सोरेन निर्वाचित हुनुभएको छ । उहाँ नै स्थानीयतहको नेतृत्वमा पुग्ने पहिलो सन्थाल महिला हुनुहुन्छ ।
यसैगरी अतिसिमान्ताकृत आदिवासी सियार समुदायबाट गोर्खाको चुमनुव्री गाउँपालिकाको अध्यक्षमा सियार समाजका अध्यक्ष निमा लामा निर्वाचित हुनुभएको छ । सियार समुदायको बाक्लो बासोबास रहेको गोर्खाको चुमनुव्री गाउँपालिका ७ वटा वडा मध्ये ६ वटा वडामा सियार समुदायकै वडा अध्यक्ष पदमा निर्वाचित भएका छन ।
समाचार अनुसार लोपोन्मुख आदिवासी लाप्चा समुदायबाट इलाम जिल्लाको रोङ गाउँपालिकाको वडा ४ अध्यक्षमा राजकुमार लाप्चा निर्वाचित हुनुभएको छ । त्यसरी नै रोङ गाउँपालिका वडा ५ को सदस्यमा कर्ण बहादुर लाप्चा निर्वाचित हुनुभएको छ ।
उदयपुरको कटारी नगरपालिका वडानम्बर ११ को वडा अध्यक्षमा अनन्तहायु निर्वाचित हुनु भएको छ । यसै गरी रामेछाप नगरपालिका वडा नम्बर ७ को वडा सदस्यमा रामबहादुर हायु, सिन्धुली कमलामाई नगरपालिका वडानम्बर ३ को सदस्यमा खेम बहादुर राई हायु, सिन्धुलीकै गोलन्जोर गाउँपालिका वडानम्बर ३ को वडा सदस्यमा लक्ष्मी हायु निर्वाचित हुनुभएको छ ।
२०७९ बैशाख ३० गते सम्पन्न स्थानियतहको निर्वाचनबाट लोपोन्मूख तथा अतिसिमान्तकृत समुदायको समेत प्रतिनिधित्व भएको छ । स्थानीय तहको उपप्रमुख देखि वडा सदस्यसम्म समेटन सफल भएको छ ।
अतिसिमान्तकृत आदिवासी माझी समुदायबाट स्थानिय तहको निर्वाचनमा राम्रो उपस्थिति रहेको छ । प्रदेश न. १ मोरङ जिल्लाको ग्रामथान गाउँपालिकाको वडा अध्यक्षमा वुद्धी नारायण माझी निवाचिर्त भएका छन भने सुनसरी जिल्लाको दुहवी नगरपालिकाको वडा १०को अध्यक्षमा तुलाराम माझी, मोरङ जिल्लाको उर्लाबारी नगरपालिका वडा ७ को अध्यक्षमा मनोज कुमार माझी हुनुहुन्छ भने सुनसरी गढी गाउँपालिका वडा २ को अध्यक्षमा पूभाकार माझी चुनिनु भएको छ । यसैगरि दुहवी नगरपालिका वडा १०को अध्यक्षमा तुलाराम माझी निर्वाचित हुनुभएको छ ।
बागमती प्रदेशको सिन्धुली जिल्लाकै मरिण गाउँपालिकाको उपाध्यक्षमा विमला माझी र मरिण गाउँपालिकाका वडा ५ का अध्यक्षमा दिपक माझी र वडा ६ को अध्यक्षमा हर्कविर माझी निवार्चित हुनुभएको छ । सिन्धुली जिल्लाको दुधौली नगररपालिका वडा ३ अध्यक्षमा भद्र कुमारी माझी यसैगरि सिन्धुपाल्चोक जिल्लाको इन्द्रावती गाउँपालिका वडा ११ बाट पनि रामजी माझी निर्वाचित हुनुभएको छ र मकावनपुर जिल्लाको बागमती गाउँपालिका वडा न ४ मा पनि माझी समुदायबाट दन्तलाल माझी निर्वाचित हुनुभएको छ । सुर्खेत जिल्लाको पञ्चपुरी नगरपालिकाबाट वडा अध्यक्षमा धनबहादुर माझी निवार्चित हुनुभएको छ ।
यसैगरि अतिसिमान्ताकृत आदिवासी दनुवार जातिबाट काभ्रेपलाञ्चोक पाँचखाल नगरपालिकाको उपप्रमुखमा सुर्यमाया दनुवार निर्वाचितहुन ुभएको छ भने पाँचखाल नगरपालिका वडा १२को अध्यक्षमा ज्ञान बहादुर दनुवार र सिन्धुपाल्चोक इन्द्रावती गाउँपालिका वडा १२को अध्यक्षमा सुरेन्द्र बहादुर दनुवार निर्वाचित हुनुभएको छ ।
आदिवासी जनजातिको सुचिमा बर्गिकृत लोपउन्मुख समुहमा कुसुन्डा, बनकरिया, राउटे, सुरेल, हायू, राजी, किसान, लेप्चा, मेचे र कुशबाडिया रहेको छ । अतिसिमान्तकृत समुहबाट माझी, सियार, थामी, र दनुवारको केही जिल्लाका स्थानिय तहमा उपस्थिति रहेको भए पनि ल्होमी, थुदाम, धानुक, सतार, झाँगडा, बोटे समुदाय नेतृत्व तहमा कमजोर उपस्थिति रहेको देखिन्छ ।
आदिवासी बरामु समुदाय थातथलो गोर्खा जिल्लाको भिमसेन थापा गाउँपालिका वडा ५ को अध्यक्षमा होम बहादुर बरामु चुनिनुभएको छ ।
आदिवासी थामी समुदाय अतिसिमान्तकृत समुदाय हो । दोलखा जिल्लामा बाक्लो बसोवास रहेको यो समुदायबाट पनि स्थानिय तह निर्वाचनबाट विभिन्न वडाहरुमा जनप्रतिनिधिको रुपमा अगि आएका छन ।
दोलखा जिल्लाका कालिन्चोक गाउँपालिकाको वडा अध्यक्षमा पदमबहादुर थामी, यसैगरि भिमेश्वर नगरपालिकाका वडा १को अध्यक्षमा माधव थामी, विगु गाउँपालिकाको उपाध्यक्ष पदमा देविका थामी निर्वाचित हुनुभएको छ । भने विगु गाउँपालिकाका वडा ६को अध्यक्षमा टहल बहादुर थामी र वडा ८ मा हिरा थामी निर्वाचित हुनुभएको छ ।
यसैगरि अतिसिमान्तकृत आदिवासी चेपाङ समुदायबाट पनि स्थानियतहमा राम्रो उपस्थिति रहेको देखिन्छ । आदिवासी जनजातिको सुचिमा बर्गिकृत लोपउन्मुख समुहमा कुसुन्डा, बनकरिया, राउटे, सुरेल, हायू, राजी, किसान, लेप्चा, मेचे र कुशबाडिया रहेको छ । अतिसिमान्तकृत समुहबाट माझी, सियार, थामी, र दनुवारको केही जिल्लाका स्थानिय तहमा उपस्थिति रहेको भए पनि ल्होमी, थुदाम, धानुक, सतार, झाँगडा, बोटे समुदाय नेतृत्व तहमा कमजोर उपस्थिति रहेको देखिन्छ ।
