आदिवासी जनजाति महासंघको अध्यक्षमा गेल्जे शेर्पा निर्वाचित 

इन्डिजिनियस भ्वाईस
इन्डिजिनियस भ्वाईस११ चैत २०७८, शुक्रवार
आदिवासी जनजाति महासंघको अध्यक्षमा गेल्जेन शेर्पा निर्वाचित 

आदिवासी जनजातिहरुको साझा संस्था नेपाल आदिवासी जनजाति महसंघको १० औँ महाधिबेशन सम्पन्न भएको छ । 
महाधिवेशनले गेल्जे लामा शेर्पाको अध्यक्षतामा नयाँ कार्यसमिति पनि निर्वाचित गरेको छ । नेपााली कांग्रेस निकट मानिएका शेर्पाले माओवादी समर्थित भनिएका सोनाम लामा (वालुङ)लाई ८ मतले पराजित गर्दै ४४ मतसहित निर्वाचित हुनु भएको हो ।  खसेको ५३ मत मध्ये एक मत बदर भएको निर्वाचन समितिले जनाएको छ । 
पूर्वी नवलपरासीको नवलपुर, कावासोतीमा आयोजित महाधिवेशनमा नेपाली काँग्रेस र नेकपा एमाले बीच चुनावी गठबन्धन बनेको थियो । सो गठबन्धनबाट उम्मेद्धार बन्नु भएका नेकपा एमाले समर्थित दिवश राई महासविमा निर्वाचित हुनु भएको छ । राईले समाजबादी समर्थित सुखवीर थामीलाई पराजित गर्दै ३६ मतका साथ निर्वाचित हुनु भएको हो । थामीले १५ मत प्राप्त गर्नू भएको थियो । महासचिवको चुनावमा पनि दुई मत बदर भएको थियो । 
नेपाल आदिवासी जनजाति महासंघको विधान अनुसार महासंघमा आवद्ध ५६ जातीय संस्थाबाट एक संस्था एक मतका आधारमा मतदान गर्ने अधिकार राख्छन् । सबै जातीय संस्थाको समान मतभार हुन्छ । 
५६ आदिवासीका जातीय संस्था मध्ये ५३ वटा संस्थाले मात्र मतदानमा भाग लिएका थिए । 
अध्यक्ष र महासचिवमा निर्वाचन भए पनि अन्य पदहरुमा भने सर्वसम्मत नेतृत्व छनौट भएको थियो । महासचिवका उम्मेद्वार भनेर प्रचार गरिएका बुद्ध घर्ती भूजेललाई वरिष्ठ उपाध्यक्ष पद सिर्जना गरी निर्विरोध गरिएको थियो । अन्य सात उपाध्यक्षमा युवराज जिरेल, ध्यानी उरावँ, क्षेत्र बहादुर थकाली, गंभीर सिंह भोटे, लाक्पा शेर्पा ढोक्पा, लहरु जिमी, श्रुती कुमाल निर्विरोध भएको घोषणा गरिएको थियो । 
त्यस्तै सचिबहरुमा मंगलराम दराई, गोविन्द लामा ह्योल्मो, मोहन राजवंशी, विकास सुरेल, ममता मेचे, छोर्गेल लामा, यमुना छन्त्याल, भद्र कुमारी बराम र उपमहासचिवमा रामकृष्ण लामा व्लोन निर्विरोध निर्वाचित हुनु भएको छ । 
यसरी नै कोषध्यक्षमा विमल सारु मगर र सहकोषध्यक्षमा रिदार नोसाङ भोटे निर्विरोध हुनु भएको छ । 
अधिवक्ता रामजी कोङरेनको संयोजकत्वमा ६ सदस्यीय निर्वाचन समिति गठन भएको थियो । निर्वाचन समितिका अन्य सदस्यमा ज्ञानेन्द्र पुन, कैलाश गुरुङ, कृष्ण कुमारी शेरचन, जिएस गुरुङ र राजकुमार बोटे हुनु हुन्थ्यो । 
गृहमन्त्री वालकृष्ण खाणले उद्घाटन गर्नू भएको महाधिबेशन उद्घाटन समारोह तत्कालीन अध्यक्ष जगत बरामको अध्यक्षतामा भएको थियो । 
उद्घाटन सत्रमा संस्थापक महासचिब सुरेश आलेमगर, परशुराम तामाङ, वालकृष्ण माबोहाङ लगायतले बोल्नु भएको थियो । 

प्रतिक्रिया

अन्य सामाग्रीहरु इन्डिजिनियस भ्वाईस