नेपालका आदिवासी जनजातिहरुको छातासंस्था नेपाल आदिवासी जनजाति महासंघको अगुवाईमा लोकसेवा आयोगले स्थानीयतहमा कर्मचारी भर्नाका लागि गरेको विज्ञापन विरुद्ध गरेको आन्दोलनका क्रममा १४ भन्दावढीलाई प्रहरीले प्रक्राउ गरेको छ ।
आरक्षण बचाऔ आन्दोलनले पुर्वघोषित कार्यक्रम अनुसार आइतबार सिंहदरबार अगाडी धर्ना दिएको थियो । भने आगामी साउन २९ र ३० गते काठमाडौं उपत्यकामा प्रधानमन्त्री निवास र सबै प्रदेशमा मुख्यमन्त्री निवासमा धर्ना दिने कार्यक्रम राखेको जनाएको छ ।
आदिवासी जनजाति, मधेसी, मुस्लिम, दलित लगायतका पिछाडिएका समुदायहरुले संयुक्त रुपमा लोकसेवा आयोगले संविधानको व्यवस्था विपरित आरक्षण कोटा वेवस्ता गरी स्थानीय तहमा ९ हजार १६१ जना कर्मचारी भर्नाको विज्ञापन निकालेपछि निरन्तररुपमा आन्दोलन गर्दै आइरहेका छन् ।
यसअघि उनीहरुले राँके जुलुस, सिठी जुलुस, विविधखाले प्रर्दशनहरु प्रस्तुत गर्दै लोकसेवा आयोगको असंवैधानिक कदमप्रति विरोध गर्दै आइरहेका छन् ।
प्रस्तुत छ, इन्डिजिनियस टेलिभिजनले आईतबार काठमाडौंमा भएको आन्दोलनमा भएको प्रहरी हस्तक्षेप सम्बन्धी रिपोर्ट ।
