आन्दोलन नेपाल र एमाओवादी अध्यक्षबिच भेटवार्ता

फागुन १, काठमण्डौं । एकिकृत नेकपा माओवादी अध्यक्ष पुष्पकमल दाहाल ‘प्रचण्ड’ले ३० दलले घोषणा गरेको आन्दोलन सशक्त बनाउनुको विकल्प नरहेको बताउनु भएको छ । आज बिहान आप्mनै निवास लाजिम्पाटमा भेट्न पुगेको आदिवासी जनजातिका अगुवाहरुसँगको कुराकानीका क्रममा अध्यक्ष प्रचण्डले उत्पीडित वर्ग, क्षेत्र र जातिको समान अधिकारका लागि आन्दोलन सशक्त बनाउनुपर्नेमा जोड दिनुभएको हो ।
आन्दोलन सफल बनाउन सबै डटेर लाग्न प्रचण्डले आग्रह गर्नुभएको भेटपछि आदिवासी जनजाति राष्ट्रिय आन्दोलन नेपालका प्रवक्ता ओम गुरुङले जानकारी दिनुभयो । विगतका सहमति, सम्झौता, अन्तरिम संविधान पालना गर्ने प्रतिबद्धता नआएसम्म वार्तामा नबस्ने पनि प्रचण्डले स्पष्ट पारेको प्रवक्ता गुरुङले बताउनुभयो । प्रबक्ता गुरुङका अनुसार अध्यक्ष प्रचण्डले मोर्चाले राजधानीमा गर्ने फागुन १६ गतेको आन्दोलनमा सशक्त रुपमा भाग लिन आग्रह गर्नु भएको छ ।
आन्दोलन नेपालले ऐक्यबद्धता जुलुस निकाल्ने र आन्दोलनमा सहमागिता जनाउने बारेमा कुराकानी भएको संघिय गणतान्त्रिक पार्टिक अध्यक्ष पर्शुराम तामाङले जानकारी दिनुभयो ।