काठमाडौंमा थारु हस्तकाला तथा फुड फेष्टिबल हुने

इन्डिजिनियस भ्वाईस
इन्डिजिनियस भ्वाईस२९ माघ २०७१, बिहिवार

tharu

माघ २९, काठमण्डौं । काठमण्डौंमा थारु हस्तकला तथा फुड फेष्टिबल हुने भएको छ ।  विजुलीबजारमा सञ्चालनमा रहेको थारु भिलेजले १३ जिल्लाको थारुहरुलाइै समेटेर हस्तकला तथा फुड फेष्टिबल गर्न लागेको हो ।  महोत्सव फागुन १ गतेदेखि ७ गतेसम्म भिलेजकै प्राङगणमा गरिने भिलेजका सञ्चालक लक्ष्मण थारुले जानकारी दिनुभयो ।
महोत्सवमा थारु हस्तकलामा डेल्वा, ढकिया, बेंरा, लेहङगा, चोली, सुप्पा राखिने छन् । त्यस्तै थारु खानामा घोङ्घी, गंगटा, ढिक्री बयिया, लइया, अण्डीभात लगायत रहने आयोजकले बताएको छ । महोत्सवमा कैलाली, कञ्चनपुर, बर्दिया, दाङ्, बाँके, सुर्खेत, कपिलवस्तु, रुपन्देही, नवलपरासी, चित्तवन, सुनसरी र मोरङका थारुहरुले सहभागिता जनाउँनेछन् । 
थारु हस्तकलाको प्रचार प्रसारका लागि महोत्सव आयोजना गर्न लागिएको र बजारमा माग बढे गाउँमै स्वरोजगार बढ्ने हुने तथा थारु कला, हस्तकलाको उत्थानमा टेवा पुग्ने आयोजकको भनाइ छ ।

प्रतिक्रिया

अन्य सामाग्रीहरु इन्डिजिनियस भ्वाईस