संविधानसभाका अध्यक्ष सुवासचन्द्र नेम्वाङले आइतबार संविधानसभा बैठकबाट एकलौटी ढङ्गले प्रश्नावली बनाउनका लागि प्रस्ताव निर्माण समिति गठन गरे । उनको निर्णयको विरोधमा विपक्षी मोर्चाका नेताहरुले संघर्षमा जाने घोषणा गरेका छन् ।
एकीकृत माओवादीका अध्यक्ष पुष्पकमल दाहाल प्रचण्डले संविधानसभाको प्रक्रिया अगाडि बढाएर संविधानसभाका अध्यक्ष नेम्वाङले भूल गरेको टिप्पणी गर्दै ३० दलीय मोर्चाले आन्दोलनमा जानुको विकल्प नरहेको निष्र्कष निकालेको छ ।
आईतबार साँझ सिंहदारबारमा बसेको मिटिङले विपक्षी मोर्चाका सभासद्हरुको व्यापक विरोध तथा नाराबाजीका बाबजुद सभाका अध्यक्ष नेम्वाङले गरेको सो निर्णयले परिणाम नकरात्मक परिणाम ल्याउने र त्यस्को जिम्मेवार नेपाली काङग्रेस, नेकपाएमाले र संविधानसभाका अध्यक्षा नेम्वाङले लिनु पर्ने समेत ठहर गरेको छ ।
विपक्षी सभासद्हरुले गत माघ ५ गतेदेखि प्रश्नावली नबनाई सहमतिमा संविधान लेखन गर्नुपेर्न भन्दै विरोध गर्दै आएका थिए ।
सभा अध्यक्ष नेम्वाङको सो कदमले संविधानसभालाई विभाजित गर्दै प्रतिगमनतिर लैजाने र देशलाई फेरि एउटा नयाँ द्वन्द्वमा फसाउने काम गरेको छ’, पुष्पकमल दहाल (प्रचण्ड)ले बताए ।
यसैगरी फोरम नेपालका अध्यक्ष उपेन्द्र यादवले माओवादी जनयुद्ध, मधेस आन्दोलन र जनजाति आन्दोलनलगायतका सम्पूर्ण आन्दोलन र त्यस क्रममा भएका सम्झौता र सहमतिविपरीत गएर संविधानसभाका अध्यक्षले संविधानसभालाई प्रक्रियामा लगेको आरोप लगाए ।
पत्रकार सम्मेलन गरी ३० दलीय मोर्चाले सभामुखले चालेको कदम नसच्चिए सम्म संविधानसभा तथा सरकारले आयोजना गर्ने कुनै पनि कार्यक्रमहरुमा सहभागी नहुने निर्णय समेत गरेको जनकारी गरियो । मोर्चाले सोमबार वैठक वसी विरोधका कार्यक्रमहरु घोषण गर्ने पनि बताए । भने आईतबार सँझ देशैभरि प्रतीकात्मक रुपमा विरोध जुलुस तथा सभामुखको पुत्ला दहन गर्ने जस्ता कार्यहरु समेत गरेका थिए ।
.png)
