काठमाडौ
सबै आदिवासी जनजातिबीच एकता सुदृढ बनाउने लक्ष्यसहित रत्नपार्कको शान्तिवाटिकामा मंसिर २३ गतेबाट आदिवासी जनजाति अभियान थालनी भएको छ ।
आदिवासी जनजाति जागरण अभियान काठमाडौंमा प्रदर्शनसँगै नेवाः प्रदेशमा जागरण अभियानको पनि थालनी भएको छ । मधेशी, थारु, आदिवासी जनजाति, दलित, मुस्लिम लगायतका जनताको अधिकार कटौती गरी संबिधान जारी गरिएकोमा खबरदारीको लागि आदिवासी जनजाति अभियान थालिएको बताइएको छ ।
इन्धन आपूर्ति तुरुन्त गर, कालोबजारी तुरुन्त नियन्त्रण गर, नेपाली जनताको मानव अधिकार प्रत्याभूत गर, सही सूचना सम्प्रेषण गर लगायत प्लेकार्ड बोकी अभियानकर्ताहरु सडकमा ओर्लिएका थिए । उक्त अभियानमा सबै आदिवासी जनजातिका अभियन्तासँगै सचेत नागरिकहरुको उपस्थित रहेको थियो ।
मधेशी, थारु, आदिवासी जनजाति, दलित, मुस्लिम लगायतका जनताको अधिकार कटौती गरी संबिधान जारी गरिएकोमा खबरदारीको लागि आदिवासी जनजाति अभियान थालिएको बताइएको छ ।
सोही अभियान कार्यक्रमलाई सम्बोधन गर्दै आदिवासी जनजाति राष्ट्रिय आन्दोलनका अध्यक्ष पद्मरत्न तुलाधरले नेपालको संविधान विश्वकै उत्कृष्ट संविधान भन्दै सरकारी स्तरबाट थालिएको प्रचारबाजी झूठको खेती भएको बताए । तुलाधरले अगाडि भने, ‘नयाँ संविधानमा खस नेपाली भाषाको मात्रै एकाधिकार छ । भाषा, धर्म, संस्कृतिमा पनि विभेद जारी छ । तब कसरी विभेद र असमानतासहितको संविधान विश्वकै उत्कृष्ट संविधान हुनसक्छ ?’
मध्यान्ह १२ बजेदेखि २ बजेसम्म शान्तिवाटिकामा भएको प्रदर्शनमा तुलाधरलगायत डा. महेशमान श्रेष्ठ, डा. कृष्ण भट्टचन, नरेश ताम्राकार, जितपाल किराती, नरेशवीर शाक्य, नन्द कन्दङवा, डा. विजय सैंजु, शंकर लिम्बूलगायत आदिवासी जनजाति अभियन्ताहरुको उपस्थिति थियो ।
पुस १ गते प्रधानमन्त्री निवास बालुवाटारमा प्रदर्शन, पुस ३ गते नेपालस्थित संयुक्त राष्ट्र संघ र राष्ट्रिय मानवअधिकार आयोग सामुसरकारले थरुहट मधेसमा जारी राखेको दमन विरुद्ध धर्ना गरिने भएको छ ।
कार्यक्रममा नेवाः प्रदेशमा आदिवासी जनजाति जागरण अभियानका संयोजक अर्जुन महर्जनले अन्तरिम संविधान, २०६३ ले प्रत्याभूत गरेका अधिकारहरु कटौती गरी नयाँ संबिधान घोषणा गरिएकोले यो अभियानबाट मधेस आन्दोलनको एक्येबद्धता पनि बताए । महर्जनले अभियानको पहिलो चरणको कार्यक्रम सार्वजनिक गरेका थिए । जसअनुसार मंसिर २५ गते फोनिजको कार्यालयमा संचारमाध्यमसँग जागरण अभियानका सम्बन्धमा अन्तक्रिया, २८ गते नागरिक अभियन्ता र राजनीतिक दलका नेताहरुसँग अन्तक्रिया, त्यस्तै, पुस १ गते प्रधानमन्त्री निवास बालुवाटारमा प्रदर्शन, पुस ३ गते नेपालस्थित संयुक्त राष्ट्र संघ र राष्ट्रिय मानवअधिकार आयोग सामुसरकारले थरुहट मधेसमा जारी राखेको दमन विरुद्ध धर्ना गरिने भएको छ ।
साथै, पुस ५ गते मूलधारका मिडियाबाट मधेसी र थारु समुदाय तथा आन्दोलनकारीहरु विरुद्ध भएको भ्रामक समाचारको सम्प्रेषणविरुद्ध प्रेस काउन्सिलमा मानव साड्लोसहित प्रदर्शन, पुस ९ गते वैदेशिक नियोग, दूतावास, दातृनिकायलाई देशको वास्तविकता जानकारी गराउने, पुस ११ गते काठमाडौं उपत्यकाभित्र गाउँ र टोलमा विभिन्न गतिविधिसँगै कोणसभा गर्दै पुस २७ गते पहिलो चरणको अभियान गरिने जनाइएको छ ।
.gif)
