कोरियाली पर्व छुसकको दोस्रो दिन, २७ सेप्टेम्बरमा हुने ‘रोधी सांगितिक भाग–४’ (कर्म ब्याण्ड लाईभ कन्सर्ट) को तयारी तीब्र पारिएको छ । आयोजक तमु धीँ दक्षिण कोरियाले कार्यक्रम समय नजिकिँदै गर्दा तयारी तीब्र बनाएको हो ।
संस्थाका अध्यक्ष एवं कार्यक्रम संयोजक सुरज गुरुङ्ले दिएको जानकारी अनुसार अहिले व्यापक प्रचार प्रसार तथा टिकट बितरण कार्यक्रमलाई अघि बढाइएको छ । प्रचार प्रसारको लागि सोलको नेपाली शहर दोङ्देमुन, योङ्दम्फु, वेजम्बु, सुवन, आन्सान, फारान, छनान्, फेन्तेक लगायतका स्थानहरुमा पोस्टरिङ् गरिसकिएको बताईएको छ । प्रचार प्रसारको लागि फोनिज कोरियाले सहयोग गरिरहेको छ ।
