कुलमान घिसिङ नेतृत्वको उज्यालो नेपालले राष्ट्रिय परिवर्तन पाार्टी मार्फत समानुपातिक उम्मेद्वार उठाएको छ । राष्टिय स्वतन्त्र पार्टीसंगको एकता भाँडिए पछि प्रत्यक्षमा सिमित भएको उज्यालो नेपालले परिवर्तन पार्टी मार्फत समानुपातिक सूचि समेटेको हो ।
आइतबार निर्वाचन आयोगले प्रकासित गरेको समानुपातिक उम्मेद्वारको बन्दसूचिमा उज्यालो नेपालका उम्मेद्वारलाई राष्टिय परिवर्तन पाार्टीको उम्मेद्वारका रुपमा प्रस्तुत गरिएको छ ।
वन्दसूचि अनुसार उज्यालो नेपालका तत्कालीन अध्यक्ष अनुपकुमार उपाध्यय खस आर्य तर्फको पहिलो नम्बरमा हुनु हुन्छ । खस आर्य तर्फको महिला उम्मेद्वारमा सितादेवी पाण्डे (रुपन्देही) पहिलो नम्बरमा राखिएको छ ।
आदिवासी जनजाति तर्फको पुरुष उम्मेद्वारमा डा. महेन्द्र सुन्दर लावती (पाँचथर) पहिलो नम्बरमा हुनु हुन्छ । महिला तर्फका आदिवासी जनजाति महिला उम्मेद्वारमा पाँचथरकै ज्योतिका राई हुनु हुन्छ ।
यसैगरी थारु तर्फबाट उम्मेद्वार बनाइएका सिरहाका अजयकुमार चौधरी (पुरुष तर्फ) र बर्दियाका बालिका चौधरी (महिला तर्फ) पहिलो नम्बरमा हुनु हुन्छ ।
दलित तर्फबाट भने सुर्खेतका लक्ष्मीचुनारा (महिला तर्फ) र इलामका राजेश प्रर्तेल (पुरुष तर्फ) पहिलो नम्बरको उम्मेद्वार चयन गरिएको छ । प्रर्तेल सो पार्टीका अध्यक्ष समेत हुनु हुन्छ ।
मधेशी तर्फ सिरहाका तेज नारायण यादव (पुरुष तर्फ) महोत्तरीकी मनिष कुमारी (महिला तर्फ) पहिलो नम्बरका उम्मेद्वार हुनुहुन्छ ।
मुस्लिम तर्फ भने महिला उम्मेद्वार मात्र बनाइएको छ । यस अन्तर्गत बाराकी अनम नाज पहिलो नम्बरमा हुनु हुन्छ ।
इलामका चर्चित पहिचानवादी नेता डकेन्द्र सिंह लिम्बु थेगिम आदिवासी जनजाति तर्फ तेस्रो नम्बरमा हुनु हुन्छ । दोस्रो नम्बरमा रामेछापका चुनाव कुमार वललाई राखिएकाृ छ ।
यसरी नै सिन्धुलीकी तुलसा वाइवा आदिवासी महिलातर्फ दोस्रो नम्बरमा हुनु हुन्छ । काठमाडौकी माया डोल्मा लामा तेस्रो नम्बरमा, सिन्धुली कै अम्बिका कुमारी मगर चौथो नम्बरमा राखिएको छ ।
खस आर्य तर्फ नुवाकोटकी देवकी पौडेल महिला तर्फ दोस्रो नम्बरमा, संखुवा सभाका दिनेश चन्द्र खनाल पुरुष तर्फको दोस्रो क्रमांकमा राखिएको छ ।
राष्टिय परिवर्तन पार्टी नयाँ खोलिएको दल हो । इलामका राजेश प्रतेल अध्यक्ष रहेको सो पाटीृको चुनाव चिन्ह बासुरी हो । यसको उपाध्यक्षमा भुपाल राई र अजय राइ हुनु हुन्छ ।
यो व्यबस्था अनुसार उज्यालो नेपालले समानुपातिकमा बासुरी चुनाव चिन्हमा र प्रत्यक्षमा चिम चुनाव चिन्हमा मत माग्नु पर्छ । समानुपातिकको उम्मेद्वार छनौट गर्न कुल खसेको मतको कम्तीमा तीन प्रतिशत मत दलले प्राप्त गर्नु पर्छ । अनिमात्र समानुपातिक निर्वाचन प्रणाली अन्तर्गतको सूचिका उम्मेद्वार निर्वाचित हुन सक्ने कानुनी व्यबस्था छ । र्
