सेप्टेम्बर क्रान्ति पछि वनवास हुनु भएका निवर्तमान प्रधानमन्त्री केपी शर्मा ओलीले जेन्जी आन्दोलन षडयन्त्रबाट उठेको आरोप लगाउनु भएको छ ।
संविधान दिवशको अवसरमा शुक्रबार एक सनसनीपूर्ण वक्तव्य जारी गर्दै उहाँले आन्दोलनलाई देश ‘विग्रेको काल्पनिक भाष्य खडा गरेर आक्रोश विस्तार भएको’ दावी गर्नू भएको छ । आन्दोलन पछाडिको षडयन्त्रबारे धेरै कुरा नखोल्ने बताउँदै समयले धेरै कुरा बयान दिने उहाँले अपेक्षा गर्नू भएको छ ।
जेन्जी आन्दोलन पछि ज्यान जोगाउन नेपाली सेनाको सुरक्षामा शिवपुरी निकुञ्ज व्यारेकको नौ दिनको सरण पछि भक्तपुर फर्कनु भएका ओलीले आफुलाई काजी भीम मल्लको नियतीसंग तुलना गर्नु भएको छ ।
उहाँले भन्नु भएको छ –‘हाम्रा युवाहरुले काजी भीम मल्लको मृत्युदण्डबारेको इतिहास पक्कै पढ्नु भएको छ । देशको सीमाना विस्तार गरेर फर्केका भीम मल्ललाई देश फर्किना साथ काटिए पछि पछुताउने मात्र विकल्प बाँकी रह्यो । यथार्थ भन्दा बाहिर गएर विस्तार गरिएका असन्तोषका परिणामहरु पछुताउन मात्र काम लाग्छन्, त्यस पछुतोले नै बनिरहेको देशको झन गाढा सम्झना गराउने छ ।’
उहाँले जेनजीको आन्दोलनमा घुसपैठ भएको आरोप लगाउनु भएको छ । आफनो वक्तव्यमा ओलीले प्रदर्शनकारीलाई ताकीताकी गोली हान्ने आदेश नदिएको दावी गर्दै प्रहरीसंग नै नभएको स्वचालित गोली हानेको घटना बारे छानवीन हुनु पर्ने तर्क अघि सार्नू भएको भएको छ ।
निवर्तमान प्रधानमन्त्री ओलीले आफ्नो राजीनामा पछि सिंहदरबार जलाइएको र नेपालको नक्सा जलाइएको प्रति आपत्ती जनाउँदै देशको निशानी मेटाउन खोजिएको बताउनु भएको छ ।
