नेपाल प्रज्ञा प्रतिष्ठानद्वारा प्रकाशित नेपालका जातीय सामाजिक संस्कार (भाग ९) मा संग्रह गरिएको शेर्पा समुदाय र तिनका सामाजिक संस्कारहरु”शीर्षकको आलेखमा आदिवासी जनजाति शेर्पा समुदायका बिषयमा भ्रामक र कपोलकल्पित बिषय समाबेश गरी प्रकाशन गरेको भन्दै नेपाल शेर्पा संघ तथा शेर्पाजन्य संघसंस्थाले आपत्ती प्रकट गरेका छन् ।
नेपाल शेर्पा संघ तथा शेर्पाजन्य संघसंस्थाले नेपाल प्रज्ञा प्रतिष्ठानका कुलपती भुपाल राईलाई बुधबार ध्यानार्कषण पत्र समेत बुझाएर सो गलत तथ्यलाई सच्याउन आग्रह समेत गरेको छ । नेपाल शेर्पा संघका अध्यक्ष लाक्पा ठिन्ले शेर्पाको नेतृत्वमा प्रज्ञा प्रतिष्ठानमा पुगेको एक प्रतिनिधिमण्डलले सो ध्यानार्कषण पत्र कुलपती राईलाई बुझाएको हो ।
ज्ञापन प्रत्र ग्रहण गर्दै प्रतिष्ठानका कुलपति राईले प्रकाशित पुस्तकलाई मुल पाण्डुलिपी प्रतिकुल भएमा सच्याएर पुन मुद्रण गर्ने आस्वाशन दिनुभएको छ ।
नेपाल प्रज्ञा प्रतिष्ठानद्वारा प्रकाशित नेपालका जातीय सामाजिक संस्कार (भाग ९) मा शेर्पा समुदाय र तिनका सामाजिक संस्कारहरु शीर्षक राखी लेखिएको लेखमा आङ्लमी शेर्पाले शेर्पा जातिको उद्गम र बसोबास क्षेत्र गलत उल्लेख गरेको भन्दै शेर्पा संघको ध्यानार्कषण पत्रमा उल्लेख छ ।
लेखक आङ्लमी शेर्पाले भने पुस्तकका लागि पठाएको लेख सम्पादकले तोडमोड गरि छापेको आरोप लगाउनुभयो । नेपाल प्रज्ञा प्रतिष्ठानका प्राज्ञ सदस्य समेत रहनु भएका सम्पादक डा. कौशिला रिसाल र अर्का सम्पादक नारायण शर्माले आफुले पठाएको लेखलाई तोडमरोड गरेको र उठान नै नभएको बिषय थपेको बताउनु भयो ।
नेपालका जातीय संस्कार (भाग ९) मा लेखिका आङलेमी शेर्पाद्धारा लिखित सो लेखमा शेर्पाहरुको पुर्ख्यौली बासस्थान हालको गोरखा जिल्ला भएको उल्लेख गर्नू भएको छ । यसैलाई पुष्टी गर्ने गरी आमुखमा प्रकासित सम्पादकीयमा पनि शेर्पाहरुको उद्गम गोर्खा जिल्लामा भएको उल्लेख गरिएको छ ।
प्रकासित आलेखको पहिलो पृष्ठको पहिलो अनुच्छेदमा शेर्पाहरुले आफ्नो पुर्खालाई बाँदर र राक्षसनीको सन्तान मान्छ भन्ने विषयमा पनि शेर्पा संघसंस्थाले आपत्ती जनाएका छन् ।
उक्त लेखमा शेर्पा समुदायको उत्पत्तिका बारेमा तथ्यहीन र समुदायको सम्मानमा आँच पर्ने खालका शब्दहरु प्रयोग गरिएको विषयमा प्रमुख ६ संस्था—हिमालयन शेर्पा सांस्कृतिक केन्द्र, शेर्पा संचार समूह नेपाल, नेपाल शेर्पा विद्यार्थी संघ, नेपाल शेर्पा महिला संघ, नेपाल शेर्पा युवा संघ, र शेर्पा कलाकार संघले पनि सामूहिक ध्यानार्कषण गरेको छ ।
शेर्पा संघसंस्थाहरुले लेखकबाट लेखको सक्कल प्रति माग गर्ने प्रकाशित पुस्तकको बिक्रि वितरण तत्काल रोक्न माग गरेको छ भने बिक्री भइसकेका पुस्तकहरुलाई फिर्ता गर्नको लागि समेत आग्रह गरेको छ ।
नेपाल प्रज्ञा प्रतिष्ठानको सामाजिकशास्त्र विभागबाट नेपालका जातीय संस्कार नामक जातीय पहिचान सम्बन्धी अनुसन्धानात्मक आलेख प्रकासित हुँदै आएको छ । यस अघि प्रा.डा. प्रेम खत्रीले आठ अंक सम्म सम्पादन गर्नू भएको थियो । तर विभागमा रिसाल आएपछि आफै सम्पादक भएर नेपालका जातीय संस्कार प्रकासन गर्न थाल्नु भएको छ । बिभागबाट प्रकासित अन्य प्रकासनको पनि विभागीय प्रमूख डा. रिसाल आफै सम्पादक हुनु हुन्छ । प्रज्ञा प्रतिष्ठानले सबै भाषा सबै ज्ञान, सबैको प्रज्ञा प्रतिष्ठान नारा तय भए पनि सामाजिकशास्त्र बिभागबाट सम्पादन भएका क्रियाकालपसो नारा अनुकुल नभएको भन्दै सरोकारवालले असन्तुष्ठि जनाउँदै आएको छ ।
