बज्रयोगिनि माईको १२ बर्षमा एक चोटि कलेबर फेर्ने कार्य सुरु भएको छ। बज्रयोगिनिका मुल पुजारिहरुले तिनदिन सम्म चोखो गरि ११ गतेको राति ५ तिर्थको जलल्याई माटोको सानो घौटो (कुलिंचा) मा राख्दछन् ।
यस कलेबर फेर्ने क्रममा असार ९ गते पुरुष चरण, असार १२ गते न्यास साधन, श्रावण ३० गते अंङ्ग न्यास, भदौ ८ गते मु रङ्ग स्थापना, भदौ २० गते प्राण प्रतिष्ठा र दस कर्मादि दिनमा ,भदौ २० गते राति सिन्दुर चरण,शिराहुति र भदौ २१ गते चतुर्थी गरि कलेबर पुजा समापन गरिन्छ।
कलेबर सुभारम्भ गर्नु अधि बज्रयोगिनि माईको मुर्तिमा रहेको जीबलाई कलशमा प्रबेश गराउने परम्परा रहेको यस बज्रयोगिनिका पुजारी सिद्दिहर्ष बज्राचार्यज्युले बताउनु भयो ।
यस कलेबर पुजाको दिन भदौ १ गते देखि १० गते सम्म सान्ध्याकाल देखि बिहानको ०४ बजे सम्म सिपुलि पापमोचन स्मशानघाटमा दाह संस्कार तथा अन्य कुनै किसिमको कार्य गर्न नहुने चलन रहि आएको उहाँले जानकारी दिनुभयो । मंगलबार बिहान ८ बजे देखि पुजा आजा गरि १ः३० बजे पुजा सकाएको छ ।
