गृहमन्त्रालयका उपसचिव अमरदिप सुनुवारद्धारा लिखित ‘दिनरात सधैँ सधैँ’ गीतको भिडियो सार्वजनिक भएको छ । आज (सोमबार) एक कार्यक्रमका बिच सार्वजनिक गरिएको हो ।
गीतमा जन्मेको गाउँ छोडेर रोजागरिका लागि टाढा बसेको युवकले आफ्नो जन्म घर, गाउँ, आफन्त र साथीभाई सम्झनामा आधारित रहेर भिडियो बनाईएको छ ।
गीतमा बरिष्ठ संगीतकार शान्तिराम राईको संगीत रहको छ भने भ्वाइस अफ नेपालका विजेता विनोद राईको स्वर रहेको छ । ‘दिनरात सधैँ सधैँ’ गीतको भिडियो शान्तिराम राई युट्युव च्यानलमा र गीतकार अमरदिप सुनुवारको युट्युव च्यानलमा सार्वजनिक भईसकेको छ ।
गीतका लेखक सुनुवारले आफुले गाउँबाट सहर झरेका सहरबाट विदेशतिर पुगेका नेपाली युवाहरुको अवस्था र उनीहरुले आफ्नो जन्मगाउँ देशलाई सम्झिने युवाको मर्मलाई समेटिएको बताउनुभयो ।
सो अवसरमा बोल्नुहुँदै निर्देशक तथा लेखक प्रकाश सायमीले सुनुवारको गीतले नेपालको समसामयीक अवस्थालाई दर्साएको बताउनुभयो । उहाँले गीतले नेपाली युवाहरुको पिडा संघर्षलाई देखाएको जोड्नुभयो ।
सुनुवारको यसअघि पनि ‘लिखु खोलाको तिरैतिर’ गीत सार्वजनिक भईसकेको छ ।
