आदिवासी जनजातिद्वारा सञ्चालित सामुदायिक एफएम रेडियोको संस्था इन्डिजिनियस कम्युनिटि रेडियो नेटवर्कले नेटवर्कमा आवद्ध रहेका सामुदायिक रेडियोका रेडियोकर्मीहरुलाई आदिवासी जनजाति मामलामा तीन दिवशीय तालिम प्रदान गरेको छ ।
तालिममा सहभागीहरुलाई भाषा आयोगका सदस्य अमृत योञ्जन तामाङले तालिममा सहभागीहरुलाई प्रमाणपत्र वितरण गर्नु भएको थियो । तालिममा नेटवर्कमा आवद्ध २४ संस्थाका रेडियोकर्मीहरुको सहभागिता थियो ।
शुक्रबार सुरु भएको तालिममा वरिष्ठ पत्रकार कुमार यात्रु, नेटवर्कका महसचिव श्रीकृष्ण महर्जन, भूमि अधिकारकर्मी नन्द कन्दङ्वा, कल्चरल सर्वाइभवरका एशिया संयोजक देवकुमार सुनुवार र रेडियोकर्मी दीपक समीरलगायतले बिभिन्न बिष्यामा प्रशिक्ष्ण दिनु भएको थियो ।
सहभागितामूलक प्रक्रियाबाट दिइएको तालिममा आदिवासी जनजातिको पहिचान, आदिवासीका संवैधानिक अधिकार, भाषिक अधिकार, भूमि भूभाग र भूक्षेत्र र स्वशासनसंग सम्बन्धित अधिकार, प्रथाजनित संस्था र कानुन तथा न्यायप्रणाली, सामुहिक मानवअधिकारलगायतका विययमा रेडियो कार्यक्रम उत्पादन र प्रसारण गर्ने सीपबारे प्रशिक्षण दिइएको थियो ।
