हिमाली संस्कृति र बौद्ध अध्ययन सम्बन्धि सम्मेलन   

इन्डिजिनियस भ्वाईस
इन्डिजिनियस भ्वाईस६ असार २०७९, सोमवार
हिमाली संस्कृति र बौद्ध अध्ययन सम्बन्धि सम्मेलन   

लुम्बीनी कलेज अफ बुद्धिज्म एन्ड हिमालयन स्टडिजको आयोजनामा भएको हिमाली संस्कृति र बौद्ध अध्ययन बिषयक सम्मेलन सम्पन्न भएको छ । लुम्बिनी बिश्वविद्यालयको सहयोगमा आयोजित सो सम्मेलनमा बिभिन्न अनुसन्धानहरुको निचोड प्रस्तुत गरिएको थियो । 
हिमाली क्षेत्रको सभ्यता, सस्कृति, इतिहास र सम्पदाको पहिचानका लागि  लुम्बिनी विश्वविद्यालय अन्तर्गतका कलेजमा आवद्ध जनशक्तिहरुको शैक्षिक उन्नयनका लागि अनुसन्धान गर्ने गराउने  र त्यसलाई प्रस्तुत गर्ने उद्देश्यबाट सम्मेलन आयोजना गरिएको आयोजकले बताएका छन् । 
सो सम्मेलनमा अध्येता आङलमी शेर्पाले  सामाजिक चाडपर्बमा शेर्पा संस्कृति बिषयक अनुसन्धान पत्र प्रस्तुत गर्नू भएको थियो । अर्का अध्येता मोहन कुमार तामाङले शैलुङ क्षेत्रबारे आफनो अनुसन्धान राख्दै तामाङ जातिको उद्गम, विकास र बौद्ध दशैनसंग जोडिएको प्रसंग राख्नु भएको थियो । 
त्यसरी नै राम कुमार तामाङले ताम्बा शिर्षकको अनुसन्धान पत्र प्रस्तुत गर्नू भयो  भने े चंन्दन श्रेष्ठले अष्टमङगल, अभिषेक ढुंगेलले  नेपालको सन्दर्भमा बुद्ध धर्मको इतिहास, दिलिप कुमार अर्यालले बौद्ध आस्थामा साँखु बज्रयोगीनी र अरुण पौडेलले  बौद्ध परम्परामा ध्यान (माइन्डफूलनेस) बारे,अनुसन्धान पत्र प्रस्तुत गर्नु भएको थियो । 
लुम्बीनी कलेज अफ बुद्धिज्म एन्ड हिमालयन स्टटिजको सो कार्यक्रमको प्रमूख अतिथिमा प्रा.डा. रमेश ढुंगेल हुनु हुन्थे । उहाँले कार्यक्रमलाई सम्बोधन गर्दै हिमाली संस्कृति तथा बौद्ध परम्परा एक अर्कासंग जोडिएको हुँदा यी सम्पदा लोप हुनबाट जोगाउन निरन्तर अनुसन्धान हुनु पर्नेमा जोड दिनु भयो । 
कार्यक्रममा बौद्ध बिद्धान तथा पज्ञिक व्यक्तिहरुको उपस्थिति थियो । 
कलेजका संयोजक  दिलिप कुमार अर्यालले सम्मेलनले समाजको यथार्थ पक्ष सार्वजनिक गर्न सहयोग पुग्ने बिचार राख्नु भएको थियो । लुम्बीनी कलेज अफ बुद्धिजम एन्ड हिमालयन स्टटिजको स्थापना सन् २०१२ मा भएको हो । कलेजले बुद्ध दर्शन तथा हिमालस् बौद्ध संस्कृतिको अध्यापन गर्दै आएको छ । 

प्रतिक्रिया

अन्य सामाग्रीहरु इन्डिजिनियस भ्वाईस