आदिवासी जनजाति महासंघ गणतन्त्र कोरियाको अध्यक्षमा शुभराज भोम्जन

आदिवासी जनजाति महासङ्घ गणतन्त्र कोरियाको अध्यक्षमा शुभराज भोम्जन निर्वाचित भएको छ । आईतबार सम्पन्न महासंघ गणतन्त्र कोरियाको ९ औं महाधिवेशनबाट भोम्जनको अध्यक्षतामा नयाँ कार्यसमिति निर्वाचित भएको हो । 

सौलको दोङ्देमुन स्थित सेमावल हलमा भएको  महाधिवेशनबाट भोम्जनको अध्यक्षमा, बरिष्ठ उपाध्यक्षमा श्रेहाङ इधिङ्गो लिम्बू, उपाध्यक्षमा पुर्ण बहादुर पुन मगर, सचिवमा राम प्रकास चौधरी, र कोषाध्यक्षमा गंगा पुन मगर निर्वाचित हुनुभएको छ । 

यसैगरि सदस्यहरुमा सुनिल चौधरी, धिरेन राई, छत्र राई र भुवन लिङ्देन सर्वसम्मत निर्वाचित हुनुभएको छ । 

नव निर्वाचित कार्यसमितिलाई निर्वाचन मण्डलका  संयोजक  लोचन राईले पद तथा गोपनियताको सपथ ग्रहण गराइएको थियो । 

अध्यक्ष भोम्जनले सपथ ग्रहण पस्चात बोल्नुहुँदैै  आदिवासी बृहत भेलाको आयोजना गर्ने, आदिवासी बहुसांस्कृतिक घरको स्थापना गर्ने, बृहत आदिवासी साँस्कृतिक मेलाको आयोजना गर्ने,  आदिवासी अभियानलाई निरन्तरता दिने, र कोरियामा रहेका नेपाली समाजमा सबैसगं सहकार्य गर्ने लगायतका प्रतिबद्धताहरु जनाएको छ । अध्यक्ष भोम्जन यसअघि महासंघको वरिष्ठ उपध्यक्षमा हुनुहुन्थ्यो ।