काठमाडौको ढल्को–नयाँ बजार स्थित नेपाः ब्याँक्वेटमा आयोजित भव्य समारोह वीच बुधवार चलचित्र तँकालीको शुभमुहुर्त भएको छ ।
नेपालभाषाका तन्नेरी चलचित्र निर्देशक तथा क्यामेराम्यान शैलेश डंगोलको होम प्रोडक्सन बज्र क्रियशनले रिसाहाको सामाजिक कथावस्तुमा नेपालभाषामा चलचित्र तँकाली निर्माण हुने भएको हो ।
चलचित्र विकास बोर्डका अध्यक्ष राजकुमार राईको प्रमुख आतिथ्यतामा चलचित्र तँकालीको शुभसाइत भएको थियो । बोर्डका अध्यक्ष राईले चलचित्र तँकालीको क्ल्याप बोर्ड पडकाएर शुभसाइत गरेका थिए ।
चलचित्र तँकालीको छायाँकन आगामी कात्तिक महिनाको तेश्रो हप्तावाट हुने जानकारी चलचित्र निर्देशक शैलेश डंगोलले बताए ।
चलचित्र तँकालीमा सुरेश महर्जन र सलोना बज्राचार्यको अलावा गौतमरत्न तुलाधर, मञ्जु श्रेष्ठ, सुरेन्द्र तुलाधर, प्रकाशराज मानन्धर, गोपालकाजी कायस्थ, सुमन चित्रकार, रजनी खड्गी, उजय शाही, सुजना बज्राचार्य, गंगाराम डंगोल, रोहन प्रजापति लगायतका कलाकारहरुको अभिनय रहनेछ ।
