तामाङ समुदायको नयाँ वर्ष सोनाम ल्होछारको अवसरमा राजधानीको टुँडिखेलमा आयोजित कार्यक्रममा ताप्लेजुङको मुकुम्लुङ्मा र काठमाडौको बोझेनीमा सरकारबाट भएको दमनको बिशेष चर्चा गरिएको छ ।
कार्यक्रमलाई सम्बोधन गर्दै नेपाल आदिवासी जनजाति महासंघ (नेफिन)का अध्यक्ष गेल्जे लामा शेर्पाले मुकुमलुङमा र बोझेनीमा आदिवासी जनजातिको मानव अधिकार हनन् भइरेको प्रसंग उठाउनु भएको थियो ।
सम्बोधन कै क्रममा २८६१ सोनाम ल्होछार मूल आयोजक समितिका संयोजक तथा नेपाल तामाङ घेदुङका अध्यक्ष माहेन गोले तामाङले आदिवासी बिरुद्ध बोझेनीमा बन्दुक र बल प्रयोग भइरहेको बताउनु भयो ।
तर कार्यक्रममा बक्ता रहनु भएकी एमाले नेतृ संविधान सभा सदस्य शान्ति पाख्रीनले सरकारको बचाउ गर्दै उग्र जातिबादीकुरा नगर्न आग्रह गर्नू भएको थियो ।
तर कार्यक्रमका प्रमूख अतिथि रहनु भएका बागमती प्रदेशका मुख्यमन्त्री बहादुर सिंह लामाले भने दुबै आन्दोलनका बारे कुनै चर्चा गर्नू भएन ।
महासंघका अध्यक्ष शेर्पाले एकजना व्यापारीको फाइदाका लागि राज्यले स्थानीयमाथि दमन गरिरहेको बताउनु हुँदै स्थानीयको अनुमति बिना सन्चालित मुुकुमलुङ्मामा आदिवासीको धर्म, संस्कृति र थातथलोमाथि अतिक्रमण गरिरहेको आरोप लगाउनु भयो ।
उहाँले काठमाडौको लप्सीफेँदीमा पनि स्थानीय आदिवासीको मानवअधिकार हनन भएको भन्दै तामाङहरुको जमिन खोस्ने हरकत प्रति आपत्ति प्रकट गर्नू भयो । अध्यक्ष शेर्पा पछि बक्ता रहनु भएकी एमाले नेतृ तथा संविधान सभा सदस्य शान्ति पाख्रीनले उग्र जातिवादी कुरा नगर्न आग्रह गर्नू भयो । हुने कुरा मात्र गर्न र नहुने कुरा गरेर जनता नभड्काउन पनि उहाँको अपील थियो ।
कार्यक्रमका अध्यक्ष मोहन गोलेले पनि बोझेनी घटनामा मानवअधिकार हनन् भइरहेको बताउँदै सो कार्य बन्द गर्न आग्रह गर्नू भयो । उहाँले सामाजिक अभियन्ता आशिका तामाङ विरुद्ध सरकारले लगाएको मुद्धा पनि पूर्वाग्रही भएको बताउनु भयो ।
