३० औँ विश्व आदिवासी दिवसको अवसरमा नेपाल आदिवासी जनजाति महासंघ जिल्ला समन्वय परिषद् सिन्धुपाल्चोकले विविध कार्यक्रम गरि मनाउने भएको छ ।
महासंघ सिन्धुपाल्चोकले यही साउन २५ गते अर्थात अगस्ट ९ शुक्रबार मेलम्ची नगरपालिका मेलम्चीमा मनाउन लागेको महासंघ जिल्ला समन्वय परिषद् सिन्धुपाल्चोकका सचिव रमेश शेर्पाले जानकारी दिनुभयो ।
अध्यक्ष तारा बहादुर जिरेलको अध्यक्षतामा हुन गईरहेको कार्यक्रममा विभिन्न आदिवासी जनजातिहरुको पहिचान झल्किने सांस्कृतिक झाँकीको प्रर्दशनसहित र्याली गरि औपचरिक कार्यक्रमको आयोजना हुने सचिव शेर्पाले बताउनुभयो ।
नेपाल आदिवासी जनजाति महासंघले ‘संविधान प्रदत्त अधिकार आदिवासीहरुको बिशेष, संरक्षित र स्वायत्त क्षेत्र कार्यन्वयन गर, प्रदेश र स्थानीय तहको सरकारी कामकाजको भाषामा आदिवासी जनजातिको भाषा लागू गर’ भन्ने मुल नारा तय गरेको छ ।
संयुक्त राष्ट्र संघले भने Protecting the Rights of Indigenous Peoples in Voluntary Isolation and Initial Contact ‘स्वेच्छीक रुपमा राज्यबाट अलग र प्रारम्भिक सम्पर्कमा रहेका आदिवासी जनजातिको अधिकारको संरक्षण’ भन्ने नारा अघि सारेको छ ।
