तामाङ समुदायले मनाउने सोनाम ल्होछार आज विविध कार्यक्रम गरी मनाउँदैछन् । २८५१ औं सोनाम ल्होछार ल्हुक (भेँडा) वर्षको आजबाट शुरुवत भएको हो । ल्हुक ल्होछारको अवसरमा आज गाउँगाउँका साथै काठमण्डौंमा हर्सोउल्लासका साथ विविध कार्यक्रम गरी मनाउँदैछन् । ल्हुक ल्होछार मुल संयोजन समितीले काठमण्डौंको टुँडिखेलमा आयोजना गरेको तिनदिने कार्यक्रम अन्तरगत आज मुख्य कार्यक्रम हुदैछ । मध्यान्न टुँडिखेलमा विषेश समारोह हुने त्यसअघि विविध सांस्कृतिक झाँकी सहितको र्याली निकालिने नेपाल तामाङ घेदुङका महासचिव कुमार ब्लोनले जानकारी दिनुभयो ।
२८५१ औं ल्हुक ल्होछार तामाङ एकताको पर्वको रुपमा मनाउ, पुर्ण अधिकारसहितको अखण्डित ताम्सालिङको स्थापाना गरौं भन्ने नाराकासाथ नेपाल तामाङ घेदुङको संयोजकत्वमा १ सय २२ वटा भन्दा बढि तामाङ संघसंस्थाहरुले एकठाउँमा ल्होछार मनाउन लागेका हुन् । ल्होछारका अबसरमा शुभकामना आदान प्रदान, मान्यजनबाट टिका तथा आर्शिवाद लिने, घरघरमा दाज्र्यु गाड्ने, फापरको पिठोबाट बनेको परिकार फुलौरा, आलुम र तरुल, खाप्ने आदि बनाएर खाने गरिन्छ । हरेक एक वर्षमा फेरिने ल्हो परम्परा अनुसार १२ वर्षमा १२ वटा जनावारको नामबाट एक चक्र पुरा हुने गर्दछ । चिन, भियतनाम, ताइवन, भुटान लगायत मंगोल मुलकाहरु बसोबास गर्ने देशहरु आजकै दिन नयाँ वर्ष मनाउने गर्दछन् ।
यसैबिच ल्होछारको अवसरमा राष्ट्रपति, प्रधानमन्त्रि र राजनैतिक दलका नेताहरुले शुभकामना ब्यक्त गरेका छन् । राष्ट्रपति रामवरण यादवले यो पर्वले सबैमा शुख शान्ति छाओस भन्ने कामना गर्नु भएको छ । प्रधानमन्त्रि शुसिल कोइरालाले संविधानसभाबाट नयाँ संविधान निर्माण गरी आन्दोलनबाट प्राप्त संघीयता, गणतन्त्र,समावेशिता सहितको लोकतन्त्र संस्थागत गर्र्ने कार्यमा साथ दिन अनुरोध गर्नु भएको छ । यस्तै एकिकृत नेकपा माओवादी अध्यक्ष पुष्पकमल दाहाल प्रचण्डले पहिचन सहितको संघिय संविधान बनाउनका लागि साथ दिन आग्रह गर्नुभएको छ ।
