काठमाडौ
लामो समयसम्म कमैया मुक्ति पुनस्र्थापना अभियानमा क्रियाशिल कमैया नेतृ कौशिला चौधरी शान्ति स्थापनाको क्षेत्रमा उल्लेख्य योगदान पु¥याएको भन्दै विश्व शान्ति पुरस्कार (एन पिस एवार्ड) बाट पुरस्कृत भएकी छिन् । उनी एवार्ड थाप्न २३ अक्टुबरमा अमेरीकाको न्युवर्क जाने कार्यक्रम तय भएको छ ।
आफै लामो समयसम्म कमलरी तथा कमैया जीवन व्यतित गरेकी चौधरी कमैया आन्दोलन तथा कमैया पुनस्र्थापनाको क्षेत्रमा विगत डेढ दशकदेखि क्रियाशील छिन् । कमैया मुक्ति आन्दोलनको एक प्रमुख अभियान्ताको रूपमा परिचित उनीसहित नेपालका आठजना अन्तिम चरणको छनौटमा परेका थिए ।
दास प्रथाको रूपमा रहेको कमैया तथा कमलरी प्रथा अन्त्यसंगै पुनस्र्थापना अभियानलाई आफ्नै कामको रूपमा लिने उनी जारी कमैया÷कमलरी पुनस्र्थापना अभियानलाई चाँडै पूर्णता दिने सरकारी अभियानमा क्रियाशिल रहेकी छिन् । जसलाई अवको केही समयमै पूर्णता दिन सकिने उनको दावी पनि छ । ३० वर्षिया कौशिला आफू जस्तो कमैयाको क्षेत्रमा क्रियाशिल व्यक्तिले एवार्ड जित्नु धेरै खुशीको कुरा भएको बताइन् । मुक्त कमैया महिला विकास मञ्च कैलालीको अध्यक्ष रहेकी अभियन्ता कौशिला चौधरी मुक्त कमैया पुनस्र्थापना समिति कैलाली र कमैया प्रथा उन्मुलन समाज कैलालीसंग पनि आवद्ध छिन् ।
सहयोग पु¥याउनेलाई धन्यवाद
कौशिलाले विश्व शान्ति पुरस्कार जिताउन सहयोग पु¥याउने सबैलाई फेसबुक स्टाटस मार्फत् धन्यवाद व्यक्त गरेकी छिन् । उनले भनेकी छिन्– यहाँहरूकै असिम माया, अपार सहयोग, सदभाव र अमुल्य भोटले म विश्व शान्ति पुरस्कार (एन.पिस.एवार्ड) जित्न सफल भएकी छु । मलाई अन्तिम चरणको छनौटसम्म जिताउन भोट हाल्ने देश विदेशमा बस्ने सम्पुर्ण साथीभाई, ईष्टमित्र तथा आफन्तजनहरूलाई हृदयदेखि नै हार्दिक धन्यवाद ज्ञापन गर्न चाहन्छु । साथै उनले यो स्थानमा पु¥याउन योगदान दिने लुथरन विश्व फेडेरेशन, प्लान नेपाल लगायत राष्ट्रिय तथा अन्तर्राष्ट्रिय सँघसस्थाहरूलाई पनि धन्यवाद दिएकी छिन् । उनले अगाडि उल्लेख गरेकी छिन्– सम्पुर्ण नेपाली नेपाली विचमा आपसी शान्ति मेलमिलाप तथा सदभाव कायम भईराखोस्, अब बन्ने नयाँ संविधानमा सबैको समान पहुँच, नियन्त्रण र हक अधिकार सुनिश्चत होस् भन्न चाहन्छु ।
