नेपालमै पहिलोपटक खुल्ला राष्ट्रिय ईनलाइन स्केट मिनी म्याराथन प्रतियोगिता सम्पन्न भएको छ । यसैसाता काठमाडौंमा आयोजित खुल्ला राष्ट्रिय ईनलाइन स्टेट मराथुन सम्पन्न भएको हो । नेपाल स्केटिङ तथा स्केट बोर्डिङ संघ र द स्केटल्याण्ड स्केट पार्कले सयौं स्केटरको सहभागितामा सुन्दरीजल–आलापोट चोकदेखि गोकर्णेश्वर नगरपालिका तालिन्चोकस्थित द स्केटल्याण्ड पार्कसम्म करिब ५ किलोमिटर दुरीमा प्रतियोगिता आयोजना गरेका थिए।
प्रतियोगितामा नेपाल, भारत, मलेसिया र दुबै लगायतका देशबाट झण्डै एक सयभन्दा बढी स्केटर सहभागी भएका थिए । पुरुषतर्फ नेपालका साम्देन गेल्बु शेर्पाले पहिलो स्थान हासिल गर्नुभएको छ भने अनिश गुरुङ दोस्रो र सफल थापा तेस्रो स्थान हासिल गर्नुुभएको छ ।
महिलातर्फ पनि नेपालकै खेलाडी उत्कृष्ट हुनुभएको छ । निमीशा पाख्रीन पहिलो, मोनिका मगर दोस्रो र सिवानी रेग्मी तेस्रो स्थान हासिल गर्नुभएको छ । प्रतियोगितामा भारतबाट पाँच जना दृष्टिविहिन स्केटरहरू सहभागी भएका थिए।
कार्यक्रममा नेपाल ओलम्पिक कमिटीका अध्यक्ष जीवनराम श्रेष्ठ प्रमुख अतिथि र गोकर्णेश्वर नगरपालिकाका मेयर दीपक रिसाल विशेष अतिथि रहनुभएको थियो। पहिलोपटक आयोजना गरिएको स्केट म्याराथन देश–विदेशबाट सहभागी भइ ऐतिहासिक र सफल बनेको द स्केटल्याण्डका सञ्चालक अब्राहम कुलुङ राईले बताउनुभयो।
