भोजपुर शेर्पा समाज किदुग र चुच्चेपाटीमा रहेको स्तुपा अस्पतालबीच सम्झौता भएको छ । बुधबार किदुग र अस्पतालबीच सम्झौता गर्दै अस्पतालमा शेर्पा समाज किदुगको सदस्य तथा भोजपुर जिल्लाबाट बिरामी भई उपचारका लागि काठमाण्डौँ आउने विरामीहरुले विशेष छुटको साथ उपचार गर्न पाउने उल्लेख गरेको छ ।
स्तुपा अस्पतालमा उपचारका लागि किदुगका सदस्य र उनीहरुको परिवार तथा किदुकको सिफारिसमा भोजपुर जिल्लाबाट राजधानी आएको बिरामीको केही प्रतिशत छुट सहित उपचार हुने छ ।
स्तुपा सामुदायिक अस्पतालमा सेवा लिन आउने भोजपुर जिल्लाका बिरामीहरु र किदुगका सदस्यहहरुले किदुगबाट दिएको सदस्य कार्डमार्फत विभिन्न सेवामा विशेष छुट पाउने किदुगका अध्यक्ष वाङचु शेर्पाले जानकारी दिनुभयो ।
किदुकको अध्यक्ष वाङचु शेर्पा र स्तुपा सामुदायिक अस्पतालको निर्देशक डा. पेम्बा लामाले हस्ताक्षर गर्नुभएको करारनामामा ओ. पि. डि. २५% , Investigation २५%, Surgery and other Procedures १५% र बेड चार्ज २५% छुट सहति उपचार सेवा लिन पाउने भएको हो ।
आर्थिक अवस्था कमजोर भएका जो कोहीले पनि सहुलिय दरमा उपचार गर्न पाउनु पर्छ भन्ने उद्देश्यले यो सम्झौता गरेको स्तुपा सामुदायिक अस्पतालको निर्देशक डा. पेम्बा लामाले बताउनुभयो ।
भोजपुर शेर्पा समाज किदुकको सदस्यहरु बिशेष गरेर काठमाडौंको बौद्ध, जोरपाटी, चाबहिल र कपन आसपासका क्षेत्रहरुमा बसोबास गर्ने र स्तुपा सामुदायिक अस्पताल यी स्थानहरुमा बसोबास गर्ने सदस्यहरुको लागि पायक पर्ने स्थानमा रहेको हुनाले पनि यो स्तुपासंग सहकार्य गरेर अगाडी बढेको किदुगका सचिव प्रजिना चौहान शेर्पाले बताउनुभयोे ।
भोजपुर जिल्लाबाट राजधानी आई बसोबस गरेको शेर्पा समुदायले सुख दुखमा साथ दिने उदेश्य सहित स्थापना भएको यस किदुगले शेर्पा समुदायमा विभिन्न कार्यक्रमहरु गर्दै आई रहेको छ ।
