नेपाल शेर्पा विद्यार्थी संघको १४ औं राष्ट्रिय महाधिवेशन यहि मिति २०८० चैत्र १० गते सम्पन्न हुनगइरहेको छ । शेर्पा विद्यार्थीहरुको साझा संगठन नेपाल शेर्पा विद्यार्थी संघको १४ औँ राष्ट्रिय महाधिवेशनमा अध्यक्ष पदको उम्मेदवारमा रहनुभएका छिरिङ शेर्पा आफ्नो एजेन्डा र घोषणापत्र सार्वजनिक गर्नुभएको छ ।
टशिदेले, म छिरिङ शेर्पा ,नेपाल शेर्पा विद्यार्थी संघ १४ औं राष्ट्रिय महाधिवेशन मुल आयोजक कमिटि सह–संयोजक एवं संगठन विस्तार प्रमुख हुँ । म यस संस्थामा तीन कार्यकालदेखि सदस्य , सचिव हुँदै उपाध्यक्ष भई निरन्तर रुपमा शक्रिय छु । साथै यहि चैत्र १० गते हुनगइरहेको १४ औं राष्ट्रिय महाधिवेशनमा अध्यक्ष पदको उम्मेदवारी घोषणा गर्दछु ।
मेरो विवरण :
नाम: छिरिङ शेर्पा
स्थायी ठेगाना: पाँचपोखरी थाङ्पाल गा.पा–०२, बरुवा,रिपार,सिन्धुपाल्चोक
अध्ययन: 𝐵𝐴𝑆𝑊 स्नातक तेश्रो वर्षमा अध्ययनरत
संघका श्रद्वेय अध्यक्ष श्री पासाङ शेर्पा ज्यूले युके प्रस्थान संगै मलाई कार्यबाहक दिनुभएपछि कार्यसमितिले गरेका सफल कार्यक्रमहरुः
१) समानन्तर कमिटिद्वारा जिल्ला प्रशासन कार्यलय र त्यहाँबाट सम्बोधन नभएपछि उच्च अदालत पाटनमा संघ ,संघका अध्यक्ष पासाङ शेर्पा र सम्पूर्ण निर्वाचन मन्डलका सदस्यहरु विरुद्व दायर गरिएको मुद्वा डिफेन्सको लागि अहोरात्र खटाइपछि झन्डै ६ महिना भन्दा बडि समय र उर्जा खर्च गरि रिट खारेज गर्न सफल र संघलाई दुर्घटना बाट जोगाउन सफल भएको ।
२)ल्होसार साँझ २०७९ मास्टर डिग्री सम्मान सहित भब्यताका साथ सम्पन्न गरीएको ।
३) बैशाख १ गते नयाँ वर्षको अवसरमा पुरानो लुङ्ता ब्यबस्थापन ,नयाँ लुङ्ता अर्पण र वातावरण सरसफाई कार्यक्रम सफलतापुर्बक आयोजना गरिएको ।
४) संघको आधिकारिक वेभसाइट www.sherpastudentassociation.org निर्माण गरिएको ।
५) साका दावाको अवसरमा बौद्व परिसरमा धर्मवालम्बीहरुको लागि निशुल्क जुस तथा पानी वितरण गरिएको ।
६) See Felicitation, ±2 &Bachelor Motivation, Career Counselling 2080 | Smart Presentation सहित डिजिटलाइज गरि सम्पन्न गरिएको ।
७) ३ दिने निशुल्क शेर्पा सिलि नृत्य प्रशिक्षण सम्पन्न गरिएको ।
८) जोरपाटी स्थित बुद्व एकेडेमीमा अध्ययनरत हिमाली दुर्गम क्षेत्रका बालबालिकाहरुलाई खाद्यान्न समस्या भइ सहयोगको अपिल आएपछि खाद्यान्न सहयोग गरिएको ।
९) शेर्पा समुदायको इतिहासमाथी धावा बोल्ने सांसद मा.रघुजि पन्तको गलत अभिव्यक्तिको विरोध एवं माइतीघर मन्डलामा शेर्पा समुदायको बृहत् भेला गरि विरोध सभा आयोजना गरेको ।
१०) Climate Change & Its Impact in the Himalayan Region of Nepal विषयमा अनलाइन वक्तृत्वकला प्रतियोगिता आयोजना गरिएको ।
११) इत्यादि .....
१४ औं राष्ट्रिय महाधिवेशनमा अध्यक्ष पदमा उम्मेदवारी दिँदै गर्दा मेरो एजेन्डाहरुः
१) महाधिवेशन पश्चात प्रशिक्षण कार्यक्रम, वर्कशप, क्षमता विकास तालिम
जिल्ला कार्यसमिति र इकाई समितिसँग छलफल गर्दा प्रशिक्षण र तालिमको अभावक कारण कार्सयमिति कृयशिल हुन नसकेको कुरालाई मध्यनजर गर्दै केन्द्रिय महाधिवेशन पश्चात पहिलो कार्यक्रम प्रशिक्षण तालिम गरिनेछ जसमा संस्थागत विषयबस्तु, बैठक सञ्चालन ,माइनुट लेखन , प्रस्तावना लेखन, प्रतिवेदन लेखन , औपचारीक कार्यक्रम सञ्चालन गर्ने तरिका, स्थानीय सरकारका विभिन्न शिर्षकका बजेटमा कसरी पहुँच बडाउने तरिका, ब्यक्तित्व विकास, टिम बिल्डिङ एक्टिभिटी , इत्यादी । यसको लागी प्रत्येक जिल्लाबाट अध्यक्ष ,कोषाध्यक्ष , सचिव र २ जना सदस्य गरि ५ जना प्रत्येक जिल्लाबाट र क्याम्पस इकाई गरि १५० जना शेर्पा विद्यार्थीहरुलाई काठमाडौंमा आमन्त्रण गरिनेछ । साथै आवत जावत गाडी भाडा सहित खाना बस्नको ब्यबस्था गरिनेछ ।
२) नेपाल शेर्पा विद्यार्थी संघको नाममा ३ करोडको अक्षयकोष खडा गर्ने
नेपाल शेर्पा विद्यार्थी संघको हरेक गतिविधि एवं कार्यक्रमहरु प्रभावकारी ढङ्गले दिगोरुपमा सञ्चालन गर्न र संघलाई आत्मनिर्भर बनाउन ६ महिना भित्र ३ करोडको अक्षयकोष खडा गर्ने । अक्षयकोष निर्माणको लागी संघका पुर्व अध्यक्ष,पदाधिकारी ,सल्लाहकार र समुदायका अभिभावकज्यूहरुसंग सहकार्य गर्ने ।
अक्षयकोषको ब्याज रकमको ६०% लोकसेवा सम्बन्धि कार्यक्रम र लोकसेवा पड्ने विद्यार्थीहरुको लागि लगानी गरिनेछ भने ४०% ब्याज सिपमुलक तालिम जस्तै बारिष्टा(कफि मेकिङ), बेसिक एडबान्स कम्प्युटर कोर्स, मोबाइल मर्मत तालिम, मोटरसाइकल ड्राइभिङ ,ट्याक्सि ड्राइभिङ, ग्राफिक डिजाइनिङ कोर्स, इलेक्ट्रिसियन, प्लम्बिङ, बिउटिसियन,Rj/VJ, फोटोग्राफि, भिडियो इडिटिङ, कुक लगायत अन्य तालिममा लगानी गरिनेछ ।
लोकसेवा सम्बन्धि सचेतनाको लहर कार्यक्रम पुर्वदेखि पश्चिम र तराई देखि हिमाल सम्मका शेर्पाको बसोबास रहेका प्रत्येक जिल्ला भित्रका प्रत्येक स्थानीय तह भित्रका प्रत्येक वार्ड भित्रका प्रत्येक टोल–टोेलमा पुर्याउने ।
३) खेलको माध्यमबाट शेर्पा विद्यार्थीहरु संगठित गर्ने ,विभिन्न इनडोर र आउटडोर खेल प्रतियोगिताहरु आयोजना गर्ने र शेर्पा खेलाडीहरुलाइ राष्ट्रिय र अन्तर्राष्ट्रिय स्तरमा प्रोत्साहन गर्ने ।
४) राष्ट्रिय तथा अन्तर्राष्ट्रिय छात्रवृत्तिको लागि विभिन्न निकायमा पहल गरि शेर्पा विद्यार्थीहरुुलाइ शैक्षिक छात्रवृत्ति उपलब्ध गराइने ।
५) NeSSA Podcast सञ्चालन गर्ने जसमा विभिन्न क्षेत्रमा सफलता हासिल गरेका शेर्पा विद्यार्थी, युवा, ब्यबसायी, उद्योगी, बौद्विक ब्यक्तित्व इत्यादीको अनुभव र कथालाई समेटिने र जगरुक र उदाउँदो युवा , विद्यार्थी एवं प्रतिभालाई समेत प्रोत्साहन गरिनेछ ।
६) शेर्पा विद्यार्थी संघको वेभसाइटलाई थप ब्यबस्थित गरि सुचना आदानप्रदानलाई थप शक्रिय बनाइनेछ । साथै जागिर खोजिरहेका शेर्पा विद्यार्थी र शेर्पा उद्योगपति /ब्यबसायीलाई जोड्नको लागी वेभसाइटमा “ Job Bank “ राखिनेछ ।
७) केन्द्र देखि, प्रदेश देखि, जिल्ला देखि, स्थानीय तह देखि,वडा देखि, टोल–टोल सम्म, संगठन विस्तार गरिनेछ ।
८) विज्ञहरुसंग सहकार्य गरि ILO 169, आदिवासी अधिकार ,शेर्पा लुङ ,लगायतका विभिन्न विषयबस्तु उपर गोष्ठी , छलफल एवं अन्तरक्रिया कार्यक्रमहरु सञ्चालन गरिनेछ ।
९) नेपाल शेर्पा विद्यार्थी संघको फेसबुक ,इन्स्टाग्राम ,युट्युब र वेभसाइट प्रयोग गरि NeSSA Bulletin प्रकाशनमा ल्याउने ।
१०) राष्ट्रिय अन्तरास्ट्रिय विभिन्न फाउन्डेसन र एन.जि.ओ संग सहकार्य गरि कार्यक्रम आयोजना गर्ने ।
११) आर्थिक साक्षरता र आर्थिक स्वतन्त्रता सम्बन्धि तालिम सञ्चालन गर्ने जस्तै शेयर मार्केटमा लगानी लगायतको विषय समेटि बित्तीय साक्षरता सम्बन्धी सचेतना ।
१२) महङ्गिदै गइरहेको शेर्पा संस्स्कार, संस्कृति बारे विभिन्न शेर्पा संघसंस्था, किदुगहरुसंग छलफल,गोष्ठी आयोजना गर्ने ।
१३) शेर्पा विद्यार्थी संघले समुदायका, जिल्लास्तरीय,पालिका स्तरिय,वडा स्तरिय एवं टोल स्तरिय,प्रवास स्तरिय विभिन्न संघसंस्था एवं किदुग संग प्रगाड सम्बन्ध स्थापित गरि सहकार्यमा कार्यक्रमहरु गर्ने ।
१४) प्रवास सम्पर्क समितिलाई थप विस्तार गर्दै विभिन्न देशमा उच्च शिक्षाका लागि जाने शेर्पा विद्यार्थीहरुलाई आइपर्ने समस्या समाधान गर्न थप कृयाशिल बनाउने ।
१५) केन्द्रीय कार्यलय दैनिक रुपमा सञ्चालनमा ल्याउने । विद्यार्थीहरुलाई अनलाइन फारम, लोकसेवा फारम भर्न , आवश्यक सिफारिस प्रदान गर्न कृयशिल रहने ।
१६) संघको केन्द्रीय कार्यलय नारायणटार अफिस बाहिर सुझाव पेटिका र एचयदझि द्यबलप राख्ने र विद्यार्थीहरुको समस्या बुझि समाधानको लागि प्रयत्न गर्ने ।
१७) मानसिक स्वास्थ्य, मोटिभेशन, स्ट्रेस रिलिफ सम्बन्धि वर्कशपहरु आयोजना गर्ने ।
१८) शेर्पा विद्यार्थी र युवाहरुको महिनामा कम्तिमा २ चोटी अन्तरक्रिया छलफल, आइडिया र अनुभव साटासाट गर्नको लागी
"Sherpa Social Club" को अवधारणा अगाडि सार्ने । सोको लागि संघले चिया, खाप्सेको ब्यबस्था गर्ने र स्थानको लागि नेपाल शेर्पा संघको हलको लागि संघसंग सहकार्य गर्ने ।
१९) “Sherpa Idea Bank" को अवधारणा अगाडि सारी शेर्पा लगानिकर्ता र उद्दमि बन्न चाहाने शेर्पा युवा / विद्यार्थीलाई एकै मन्चमा उतारी आवश्यक सहयोग गर्ने ।
२०) देशमा र विभिन्न मुलुकमा छरिएर रहेका शेर्पा समुदाय र विद्यार्थीहरुको तथ्यांक संकलन गर्ने ।
२१) नेपाल शेर्पा विद्यार्थी संघको केन्द्र ,जिल्ला, विश्वविद्यालय कमिटि ,अन्य इकाईका संस्थापकज्यूहरु, पुर्व कार्यसमिति,पदाधिकारीहरु, सदस्यहरुलाई एकताको सुत्रमा बाँध्न “Nepal Sherpa Student Association Alumni“ गठन गर्ने ।
२२) लोक सेवा आयोग पास गरि विभिन्न सेवामा रहेका शेर्पाहरुलाई संगठित गर्नको लागि फोरम निर्माण गर्ने ।
क्रमश तपाईहरुको सुझावहरु.....
नेपाल शेर्पा विद्यार्थी संघ सम्पूर्ण शेर्पा विद्यार्थीहरुको छाता संगठन हो । शेर्पा विद्यार्थी ,युवा ,समुदायलाई कुन दिशातर्फ डोर्याउने भन्ने कुरा अबको नेतृत्वमा निर्भर छ ।
नेपाल शेर्पा विद्यार्थी संघ सिक्षित ,सक्षम, इमानदार, दूरदर्शी ,त्यागी, जिम्मेवार, आशावादी, साहसी , परिश्रमी ,शालीन,धैर्यवान,उर्जाशिल एवं लगनशील नेतृत्वको पर्खाइमा । थुजिछे ।
