नेपाल पर्यटक यातायात व्यवसायी संघको निर्वाचन सम्पन्न भएको छ । यहि भदौँ १९ गते मङ्गलबार चावाहिलस्थित नेपाल पर्यटक यातायात व्यवसायी संघको केन्द्रीय कार्यालयमा भएको निर्वाचनबाट संघको अध्यक्षमा बेदराज बास्तोला निर्वाचित हुनुभएको छ ।
निर्वाचित भएपस्चात नवनिर्वाचित अध्यक्ष बास्तोलाले व्यवसायको समस्यालाई सम्बोधन गर्नु आफ्नो समूहको प्रमुख एजेन्डा रहेको र अब सोही काममा लाग्ने बताउनुभयो । यातायात व्यवसायिक संघको प्रथम उपाध्यक्षमा रमेश गौतम, द्वितीय उपाध्यक्षमा बिनोद तामाङ, महासचिबमा केदार कट्टेल, सचिबमा गुमान सिं मोक्तान, कोषाध्यक्षमा रामकुमार बस्नेत निर्वाचित हुनुभएको छ ।
संघको सदस्यहरुमा नमराज अर्याल, राम आचार्य, टेक पुन मगर र नकुल तिमल्सिना चुनिएका छन । अन्य पदमा निर्वाचन भएपनि कोषाध्यक्ष पदमा रामकुमार बस्नेत भने दुबै समुहको समर्थनका साथ निर्बिरोध निर्वाचित हुनुभएको छ ।
