आदिवासी जनजाति पत्रकार महासंघ (फोनिज)ले हरेक बर्ष प्रदान गर्ने आदिवासी जनजाति राष्ट्रिय पत्रकारिता पुरस्कार (फोनिज अवार्ड)बाट इन्डिजिनियस भ्वाइसमा आवद्ध वरिष्ठ सञ्चारकर्मी कुमार यात्रु, तामाङ सम्मानित हुनु भएको छ । उहाँ समेत अन्य आठजना पत्रकार र दुई पत्रिकालाई पनि सो अवसरमा पुरस्कार प्रदान गरिएको थियो ।
इन्डिजिनियस टेलिभिजन र आइटिभि नेपालका प्रमूख कार्यकारी कार्यक्रम निर्माता यात्रु फोनिज गठन हुन पूर्ब रहेको अनिजका संस्थापक उपाध्यक्ष हुनु हुन्छ ।
फोनिज अवार्ड प्राप्त गर्नेमा प्रेस काउन्सिलका पूर्ब अध्यक्ष भवानी बराल पनि हुनु हुन्थ्यो । बराल धरानबाट पत्रकारिता गर्दे आउनु भएको छ । लिम्बूवान आन्दोलनमा समेत सम्लग्न बरालका पहिचानजनित पुस्तक पनि प्रकासित छन् ।
सोही अवसरमा फोनिज अवार्डबाट नेवा भाषाकी समाचार वाचिका रचना श्रेष्ठ, जलजला रेडियो रोल्पाका मौसम रोक्काले पनि रेडियो बिधाको फोनिज अवार्ड प्राप्त गर्नु भएको छ ।
आदिवासी जनजाति पत्रकार महासंघ (फोनिज)ले हरेक बर्ष प्रदान गर्ने आदिवासी जनजाति राष्ट्रिय पत्रकारिता पुरस्कार (फोनिज अवार्ड)बाट इन्डिजिनियस भ्वाइसमा आवद्ध वरिष्ठ सञ्चारकर्मी कुमार यात्रु, तामाङ सम्मानित हुनु भएको छ । उहाँ समेत अन्य आठजना पत्रकार र दुई पत्रिकालाई पनि सो अवसरमा पुरस्कार प्रदान गरिएको थियो ।
छापा, टेलिभिजन, रेडियो र अनलाईन बिधामा फोनिज अवार्ड प्राप्त गर्ने अन्यमा राजकुमार दिक्पाल, आङदावा शेर्पा, तिलक पुन मगर, इन्द्रजीत मुखिया समेत हुनु हुन्छ । मातृभाषामा प्रकासित तान्छोक्पा (लिम्बु भाषा) र पहुरा (थारु भाषा) लाई पनि सो अवसरमा सम्मान गरिएको थियो ।
पुरस्कार वितरण समारोहमा बोल्दै सूचना आयोगका प्रमूख आयुक्त महेन्द्रमान गुरुङले आदिवासीहरुको पहिचानजनित पत्रकारिता आजको आवश्यकता भएको बताउनु भयो । उहाँले सूचनाको हक कार्यन्वयनमा मातृभाषामा सूचना पाउने अधिकार सुरक्षित गर्न आफनो प्रयास जारी रहेको बताउनु भएको थियो ।
फोनिजका अध्यक्ष डण्ड गुरुङको अध्यक्षतामा भएको कार्यक्रम महासचिव मनोज घर्ती मगरले सञ्चालन गरेका थिए भने स्वागत मन्तव्य उपाध्यक्ष गजुरधन राईले राख्नु भएको थियो ।
कोरोना महामारीका कारण स्वास्थ्य मापदण्डलाई पालना गर्दै आयोजना गरिएको कार्यक्रममा शुभकामनाका लागि नेपाल पत्रकार महासंघका कार्यबाहक अध्यक्ष रमेश विष्टसमेतको उपस्थिति थियो ।
नेपाली पत्रकारितामा आदिवासी जन्य समाचार सामाग्री प्रेषणमा आदिवासी पत्रकारहरुको महत्वपूर्ण भूमिका छ । देशभरी करीव ४ हजार आदिवासी पत्रकारहरु फोनिजमा आवद्ध रहेका छन् ।
