धनगढी
टीकापुर घटनामा पक्राउ परेका मधेशी जनअधिकार फोरम (लोकतान्त्रिक) का केन्द्रिय सदस्य लक्ष्मण थारु जेल बसाइको एक महिनामा पुस्तक तयार पारेको बताएका छन् । भदौ २३ गते भैरहवाबाट पक्राउ गरिएका उनी हाल जिल्ला कारागार कैलालीमा पुर्पक्षका लागि थुनामा छन् ।
इण्डिजिनियस भ्वाइससंग टेलिफोन कुराकानी गर्दै फोरम (लोकतान्त्रिक) को राजनीतिक समितिको सदस्य समेत रहेका लक्ष्मण थारुले भने– हामीहरुलाई विना कुनै प्रमाण भुठा मुद्धामा फँसाइएको छ । तर जेल बसाइ पनि लाभदायक हुँदैछ । एक महिना बसाईमा राजनीतिक बिषयबस्तु समेटिएको पुस्तक लेखेर तयार गरेको छुँ । रिहाइ लगत्तै सम्पादन गरेर प्रकाशित गर्नेछुँ । अर्को प्रसंगमा लक्ष्मण थारुले पार्टी सरकारमा गएकोले छिटै रिहा हुने पनि बताए ।
लक्ष्मण थारुले भने– हामीहरुलाई विना कुनै प्रमाण भुठा मुद्धामा फँसाइएको छ । तर जेल बसाइ पनि लाभदायक हुँदैछ । एक महिना बसाईमा राजनीतिक बिषयबस्तु समेटिएको पुस्तक लेखेर तयार गरेको छुँ ।
लक्ष्मण थारुसंगै मधेशी जनअधिकार फोरम (लोकतान्त्रिक) का कैलाली क्षेत्र नं १ का क्षेत्रीय अध्यक्ष टेकबहादुर चौधरी तथा क्षेत्र नं ३ का क्षेत्रीय अध्यक्ष रामप्रसाद चौधरी, थारु कल्याणकारिणी सभा कैलालीका जिल्ला अध्यक्ष लाहुराम चौधरी सहित २० जना पुर्पक्षका लागि थुनामा छन् । रामप्रसाद चौधरी फोरम (लोकतान्त्रिक) का महासचिव रामजनम चौधरीका आफ्नै भतिजा हुन् । पार्टी सुत्रका अनुसार अवको मंत्रीमण्डल बिस्तारमा रामजनम चौधरी पनि मंत्री हुने सूचीमा छन् ।
