नेपाली कम्युनिष्ट पार्टीका सांसद परशुराम तामाङले राज्यको तर्फबाट आदिवासी लगायतका उत्पीडितहरुप्रति माफी माग्दै क्षमा याचनाको दिन घोषणा गर्न सरकारसंग माग गर्नु भएको छ । बुधबार बसेको प्रतिनिधिसभाको सुन्य समयमा बोल्नु हुँदै उहाँले सो माग गर्नु भएको हो ।
सरकारले ल्याउन लागेको दलितसमुदायप्रति क्षमा माग्ने योजना ल्याएको कार्यक्रम प्रति सह्राहनीय व्यक्त गर्दै उहाँले आदिवासी जनजातिको सवालप्रति ध्यानआकर्षण गर्नु भएको छ ।
सांसद तामाङले गोर्खा राज्यले आदिवासीको स्वशासन र पुख्र्र्योली भूमि खोसेको, मातृभाषा निषेध गरेको र आदिवासीको धर्म, संस्कृतिप्रति घृणाजारी राखेको उल्लेख गर्नु भयो ।
उहाँले राज्यले ‘मासिन्या मतवाली’ का रुपमा घोषणा गरेर मार्न मिल्ने, दास बनाउन पाइने जातीय कानुन ल्याएर आदिवासीको मानव भएर बाच्न पाउने अधिकार छिनेको विश्लेषण गर्नू भयो ।
संसदमा सांसद तामाङले ऐतिहासिक उत्पीडन र विभेदको भारीबाट अहिले पनि मुक्त हुन नसकेको स्मरण गर्दै आफु त्यही ‘मासिन्या मतवाली’को प्रतिनिधि रहेको टिप्पणी गर्नु भयो ।
उहाँले यो इतिहासको त्रुटी सच्याउन पनि क्षमा दिनको घोषणा गर्न संसद मार्फत सरकारलाई अपील गर्नु भएको छ ।
तामाङ नेपाल आदिवासी जनजाति महासंघको पूर्व महासचिव हुनुहुन्छ । उहाँ नेपाली कम्युनिष्ट पार्टीको समानुपातिकबाट सांसदमा निर्वाचित हुनु भएको हो ।
