रसुवा, नुवाकोट, धादिङलगायत भोटेकोशी त्रिशूली नदी आसपासका क्षेत्रमा विनाशकारी बाढीबाट प्रभावितहरुलाई सहयोग गर्ने सहयोगीहरु अहिले सक्रिय भएका छन् ।
विभिन्न संघ संस्था तथा दातृ संस्थाहरु प्रभावितहरुलाई राहत तथा उद्धारका लागि जुटि रहेका छन् । केहीले नगद सहयोग गरेका छन् भने केहीले जिन्सी सहयता पनि प्रदान गरिरहेका छन् ।
राष्ट्रिय आदिवासी जनजाति महिला महासंघको टिम नै नुवाकोट पुगेर केही राहत सामाग्री स्थानीय तह मार्फत प्रभावितहरुलाई हस्तान्तरण गरेको छ ।
महिला महासंघका अध्यक्ष शोभा सुनुवारको नेतृत्वमा त्यहाँ पुगेको टिमले महिलासंग सम्बन्धीत कपडा तथा स्वास्थ्य सामाग्री हस्तान्तरण गरेको हो ।
यसै गरी नुवाकोटको विदुरमा राहत सामाग्री पुर्याउनेहरुको घुइचो नै लागेको छ । व्यक्तिगत रुपमा र संस्थागत रुपमा जिन्सी सामाग्री सहयोग गर्नेहरुको बिदुरमा ताँती लागेको देखिन्छ । नगद सहयोग भने प्रधानमन्त्री प्राकृतिक प्रकोप कोषमा पठाउने व्यबस्था गरिएको छ ।
सम्भावित थप जोखिमलाई ध्यानमा राख्दै नदी तटीय क्षेत्रका नागरिकलाई उच्च सतर्कता अपनाउन आग्रह गरिएको छ । भोटेकोशी तथा त्रिशूली नदीको बहाव, सम्भावित पहिरो तथा अन्य जोखिमको निरन्तर निगरानी भइरहेको छ । रसुवा, नुवाकोट, धादिङ, गोरखा तथा चितवनका जोखिमयुक्त नदी तटीय क्षेत्रका नागरिकलाई सुरक्षित स्थानमा जान आग्रह गरिएको छ ।
नुवाकोटको विदुरको वडानम्बर ५ स्थित जिल्ला आयुर्वेद स्वास्थ्य केन्द्र र अर्कोे चन्द्रज्योति माध्यामिक विद्यालयमा अस्थायी राहत शिविरमा पनि महिला महासंघले राहत सामाग्री बितरण गरेको छ ।
नेपाली सेनाको ब्यारेकमा प्रभावितहरुका लागि खाद्यान्न, औषधि र राहत सामग्री आवश्यकता तथा पहुँचका आधारमा वितरण गर्ने गरिएको छ ।
रसुवाको टिमुरे र स्याफ्रुबेँसी आसपासका बस्ती सबैभन्दा बढी प्रभावित भएका छन् । प्रारम्भिक विवरणअनुसार टिमुरे क्षेत्रमा मात्रै करिब १०७ घर र घट्टेखोलामा करिब ५० घर पूर्ण रूपमा क्षतिग्रस्त भएका छन् । रसुवागढी क्षेत्रको भन्सार कार्यालय, सुख्खा बन्दरगाह, प्रहरी संरचना र अन्य सरकारी तथा निजी संरचनामा पनि ठूलो क्षति पुगेको छ ।
प्रभावित क्षेत्रमा अस्थायी राहत शिविर सञ्चालन गरी खाना, खानेपानी र आवश्यक आधारभूत सेवाको व्यवस्था गरिएको छ । नेपाल रेडक्रस, नेपाल स्काउट, लायन्स क्लब तथा अन्य स्वयंसेवी संस्थाका संयन्त्रसमेत राहत र उद्धारमा परिचालित छन् ।
यहाँ स्वास्थ्य आपत्कालीन कार्यसञ्चालन केन्द्र सक्रिय बनाइएको पाइएको छ । प्रभावित तथा घाइते नागरिकको निःशुल्क उपचारको व्यबस्था पनि छ ।
नुवाकोटको बट्टारस्थित नेपाली सेनाको तालिम केन्द्रमा र धादिङको बैरेनी ब्यारेकमा राहत सामग्री संकलन गरीएको छ ।
सम्भावित थप जोखिमलाई ध्यानमा राख्दै नदी तटीय क्षेत्रका नागरिकलाई उच्च सतर्कता अपनाउन आग्रह गरिएको छ । भोटेकोशी तथा त्रिशूली नदीको बहाव, सम्भावित पहिरो तथा अन्य जोखिमको निरन्तर निगरानी भइरहेको छ । रसुवा, नुवाकोट, धादिङ, गोरखा तथा चितवनका जोखिमयुक्त नदी तटीय क्षेत्रका नागरिकलाई सुरक्षित स्थानमा जान आग्रह गरिएको छ ।
विदुरको नेपाली सेनाको व्यारेक, प्रहरी कार्यलय र अस्पतालहरुमा आफन्त खोज्नेहरु ओहोर दोहर भइरहेको देखिन्छ ।
बेपत्तामध्ये नेपाली नागरिक मात्र छैनन । पर्यटक, तीर्थयात्री, कामदार र विभिन्न मुलुकका नागरिकसमेत रहेको अन्तर्राष्ट्रिय रिपोर्टहरूले जनाएका छन् ।
यसले भोटेकोशी विपत्तिलाई नेपालको मात्र नभई अन्तर्राष्ट्रिय मानवीय संकटका रूपमा समेत अगाडि ल्याएको छ ।
यस क्षेत्रमा संभाावित जोखिमलाई लिएर संत्रास छाएको पाइन्छ । विपत भनेको आकस्मीक नै हुन्छ । यस्तो विपदमा एक जुट भएर मानवीय सेवामा लाग्नु नै अहिलेको प्राथामिक आवश्यकता हो ।
