भारतका प्रख्यात अर्थशास्त्री, शिक्षाविद् महेन्द्र पी लामा अन्तराष्ट्रिय एकीकृत पर्वतीय विकास केन्द्र (इसिमोड)को वरिष्ठ सल्लहाकारमा नियुक्त हुनु भएको छ ।
इसिमोडका महानिर्देशक पेमा ग्याम्त्सोले प्राध्यापक लामालाई वरिष्ठ सल्लाहाकारमा नियुक्त गरेको जानकारी दिनु भएको छ ।
महानिर्देशक ग्याम्त्सोले प्राध्यापक लामाको शैक्षिक विशेज्ञता, नीतिगत अनुभव तथा क्षेत्रीय कुटनीतिक दक्षताबाट इसिमोडमा योगदान पुग्ने विश्वास व्यक्त गर्नू भएको छ ।
सन् १९८३ मा स्थापना भएको इसिमोड आठ राष्ट्रहरुका अन्तरसरकारी ज्ञान तथा सिकाई केन्द्र हो । नेपालको राजधानी काठमाडौमा मुख्यालय भएको इसिमोडले हिन्दुकुश हिमालय क्षेत्रका मानिसहरुको जीवनस्तर सुधार, जीविकोपार्जन सुद्दृढिकरण तथा हिमाली वातावरण र संस्कृति संरक्षणमा काम गर्दै आएको छ ।
इसिमोडका सदस्य राष्ट्रहरुमा नेपाल सहित अफगानिस्तान, बंगलादेश, भुटान, चीन, भारत, म्यनमार र पाकिस्तान छन् ।
प्राध्यापक लामा हिमालय क्षेत्र, दक्षिण एशियाली क्षत्रीय सहकार्य, सीमा व्यापार, क्षेत्रीय एकीकरण, विकास नीति तथा अन्तराष्ट्रिय सम्बन्धका विषयमा परिचित व्यक्ति हुनु हुन्छ ।
उहाँले हिमालय क्षेत्रको दिगो विकास र अर्थतन्त्रका सवालमा पछिल्लो समय काम गरिरहनु भएको छ ।
